陳儀興牛什粉麵茶餐廳

营业中

休息中

见有人介绍话唔错，Lunch特登搭几蚊巴士上嚟试吓，叫咗碗牛杂河，讲真都几失望！🍲汤头好单纯嘅咸味，冇乜鲜味！🍲金钱肚、草肚明显炆得过火/太耐，直头系入口即散，就算你冇牙都食得到！🍲牛肠、牛肺还可以，算有返啲弹性！🍲但牛膀又唔够松！🍲其余就系啲头头尾尾嘅边位，好似搭俾你咁样！特别系啲浮面嘅肥膏，令成碗野嘅卖相变得好难睇！🍲至于啲河粉，只要你食慢啲，索饱水一夹就断开，差不多要用匙羹来食！结果，我食咗半碗就放弃。唯一值得一赞嘅，只系碟炸鱼皮，香脆松化。