A8's Cafe (已結業)

难得同太太一齐放假，梗系要去high tea轻松一下， 今次就同太太嚟咗一间带有田园风嘅特色cafe餐厅，叫做A8's Cafe, 门口摆放咗好多不同食物嘅选择，非常吸引!餐厅位置显眼，入面够晒光猛， 而且座位有选非常宽敞!下午茶时间人唔算太多，给人感觉休闲舒服。餐厅提供好多日西美食可供选择，以西式食品居多，而下午茶套餐非常抵食吸引!我第一时间点咗一款大路既美食， 炸鸡髀配沙律菜， 唔好睇少年呢个平凡嘅美食， 要整得好食绝对唔容易， 先讲讲呢度嘅鸡髀非常大只， 而且外表炸到金黄脆卜卜， 切开后入面嘅肉质嫩滑啱啱好， 属于非常高水准嘅作品! 而沙律菜就系配咗沙律酱嘅生菜,都算几新鲜。太太就点咗呢一款碎蛋三文鱼牛角包， 同样系一款下午茶套餐，卖相非常吸引， 而牛角包入面嘅馅料更加系非常丰盛， 充满著三文鱼及碎蛋沙律， 牛角包带一点微温，食落更香软。由于食完两个下午茶之后还有点意犹未尽，固追加了一个朱古力酱窝夫， 制作需要一点时间， 送上碟后， 见朱古力酱被窝夫的热力所溶化，食落非常有口感而带有一点脆口!