田浦食肉

营业中

休息中

正宗韩烧，服务一流平时好钟意同两个女去沙田石门Playhouse玩，呢日玩完好肚饿，见到有我最钟意食嘅韩国菜，一于入去呢间餐厅食饭。未来呢间餐厅连店员都系韩国人，真系正宗韩国餐厅。我哋结咗以下嘅食物，全部都好食到舔舔脷。烤牛肉套餐:估唔到牛排骨好大份，店员仲会帮我哋烤，唔使自己落手，烤得外层焦香，肉质鲜嫩又juicy，好食到停唔到口。前菜:前菜有好多选择，我最钟意翠玉瓜同埋芽菜，够晒爽口，泡菜夹埋落啲牛肉都食又好好味。韩式煎饼:韩式煎饼外脆内软，好香蛋味，份量都唔细，配埋佢嘅酱汁食仲正！饭团:饭团好香麻油味，仲有好多芝麻同海苔喺里面，两个女都超钟意食。