德國熱狗 (已結業)

一直听讲南港岛线筹备开多几个站，例如田湾、香港仔、华富⋯所以间唔使都会留意下呢啲地方。原来最近田湾开左个新商场，而且仲有个小型food court，咁为食既我当然去试下啦。food court位于商场地下，有港式小食、点心、热狗及台式饮料店。德国热狗：-蘑菇猪肉肠热狗餐，配料拣左芝士，同薯条，酱料系三色酱-墨西哥辣肠热狗餐，配料系肉酱，同薯饼，酱料系三色酱-另外加左两条细德国肠热狗面包厚但软熟，面粉味香，蘑菇猪肉肠，系粗肠，外皮脆内多汁，而且咬开都见到有蘑菇茸，而芝士味甘香，加埋茄汁、芥末及酸瓜三色酱，味道丰富，而且啖啖都食到酱汁。 而墨西哥辣肠就系微辣，加上微酸既肉酱，惹味得黎又有口感。薯条系粗身扭纹薯条，薯味重又粉，而薯饼外面酥脆，内入面绵软香甜。两款食落都唔太油。而细热狗就单食，皮更加脆，肉味都浓味，唔想食咁饱可以就咁叫条肠试下。