影片
更多
2024-01-19
475 浏览
本身有食过其他分店几次，今次系佐敦附近行街所以就嚟到佐敦分店食啦。叫左三个𩠌，分别系泡椒田鸡、小炒肉、莴荀丝。食食下发现有旧田鸡酸臭左，于是再揾下其他田鸡有冇臭（用闻去分辨），都真系有啲有臭肉味有啲正常味，我同友人判断应该系其中一只田鸡坏咗所以只有几旧系有臭肉味。于是乎就同店员讲，店员第一反应话正常系有啲酸辣架，我哋话唔系呀系酸宿味，臭左呀，佢再揾个应该系经理嘅男店员嚟。男店员嚟到第一反应都系话正常系有酸味😑我同友人都觉得一定系酸宿味，我哋都系做饮食做厨房点会唔识分酸宿味系点！之后佢闻完话冇觉得酸，佢摆埋入口𡁻左两啖都竟然话觉得冇事！我同友人都好无奈，佢话冇得退只可换第二样𩠌，惊被加料所以冇接受到。隔左一阵，店员又话隔离台都系食田鸡都冇事，同你同一镬炒添，啲田鸡日日新鲜嚟，点点点。隔离台冇食到酸姐，或者同男店员一样食唔出，唔等于我哋碟田鸡冇酸，我哋都表示系有啲臭有啲冇臭的。。。加上店员指隔离𠮶台客。。。埋单走埋，同一镬炒边有咁快食完走😂日日新鲜嚟货都有机会供应商比左死货你冇发现到㗎（反正我都唔信日日新鲜嚟货）最后田鸡只好放埋一边已经唔敢继续食，但田鸡嘅钱都系要比😵
叫左三个𩠌，分别系泡椒田鸡、小炒肉、莴荀丝。食食下发现有旧田鸡酸臭左，于是再揾下其他田鸡有冇臭（用闻去分辨），都真系有啲有臭肉味有啲正常味，我同友人判断应该系其中一只田鸡坏咗所以只有几旧系有臭肉味。
于是乎就同店员讲，店员第一反应话正常系有啲酸辣架，我哋话唔系呀系酸宿味，臭左呀，佢再揾个应该系经理嘅男店员嚟。男店员嚟到第一反应都系话正常系有酸味😑我同友人都觉得一定系酸宿味，我哋都系做饮食做厨房点会唔识分酸宿味系点！
之后佢闻完话冇觉得酸，佢摆埋入口𡁻左两啖都竟然话觉得冇事！我同友人都好无奈，佢话冇得退只可换第二样𩠌，惊被加料所以冇接受到。
隔左一阵，店员又话隔离台都系食田鸡都冇事，同你同一镬炒添，啲田鸡日日新鲜嚟，点点点。隔离台冇食到酸姐，或者同男店员一样食唔出，唔等于我哋碟田鸡冇酸，我哋都表示系有啲臭有啲冇臭的。。。加上店员指隔离𠮶台客。。。埋单走埋，同一镬炒边有咁快食完走😂日日新鲜嚟货都有机会供应商比左死货你冇发现到㗎（反正我都唔信日日新鲜嚟货）
最后田鸡只好放埋一边已经唔敢继续食，但田鸡嘅钱都系要比😵
44 浏览
0 赞好
0 留言
张贴
