影片
更多
2024-07-03
1897 浏览
利申：真系唔系打手，就算你觉得我夸张都好，我真系帮衬咗呢间米线店10年都有。香港冇一间米线店嘅米线系令我一落机就想食嘅，呢间系唯一一间！睇到好多其他食评话服务态度差、份量少，想讲我差唔多每两个礼拜去一次，我系 从来 冇遇过/ 觉得服务态度差，啲姨姨都好friendly，每次见到都叫细佬细妹。而佢哋真系等齐人先入得座，都系餐厅规矩姐～ 同埋讲份量少，我从来冇试过离开呢间铺头嘅时候觉得唔饱，就算男性朋友叫两𩠌米线都够食，何况我系女仔每次都叫三𩠌（叫埋嘢饮都系$60）。有次晚市去到，叫完之后被姨姨吿知冇哂冬菇，以为佢哋会就咁比我叫净返嘅两𩠌比我，食食吓先发觉老板送多咗两只鸡翼比我🥰真心觉得呢间小店好有人情味，系我无论几时都想再食嘅米线店！问过佢哋铺头嘅人，原来佢哋汤底系用猪骨鸡骨熬出嚟嘅，饮佢哋嘅汤嘅时候系冇味精汤嘅感觉，只系觉得啖啖都真材实料，好浓郁。唔系讲笑我有好多次去都饮哂啲汤。酸辣汤米线(少辣) - 鸡翼🐔、麻辣腩肉🥓、冬菇 🍄+ 冻柠水🍋我每次嚟到都叫嘅米线：发现呢三个𩠌+酸辣汤系最夹～鸡翼🐔 - 够哂入味，肉骨分离，带微微鲜甜嘅肉味，夹埋酸辣汤嘅味道超balanced！麻辣腩肉🥓
香港冇一间米线店嘅米线系令我一落机就想食嘅，呢间系唯一一间！睇到好多其他食评话服务态度差、份量少，想讲我差唔多每两个礼拜去一次，我系 从来 冇遇过/ 觉得服务态度差，啲姨姨都好friendly，每次见到都叫细佬细妹。而佢哋真系等齐人先入得座，都系餐厅规矩姐～ 同埋讲份量少，我从来冇试过离开呢间铺头嘅时候觉得唔饱，就算男性朋友叫两𩠌米线都够食，何况我系女仔每次都叫三𩠌（叫埋嘢饮都系$60）。有次晚市去到，叫完之后被姨姨吿知冇哂冬菇，以为佢哋会就咁比我叫净返嘅两𩠌比我，食食吓先发觉老板送多咗两只鸡翼比我🥰
真心觉得呢间小店好有人情味，系我无论几时都想再食嘅米线店！问过佢哋铺头嘅人，原来佢哋汤底系用猪骨鸡骨熬出嚟嘅，饮佢哋嘅汤嘅时候系冇味精汤嘅感觉，只系觉得啖啖都真材实料，好浓郁。唔系讲笑我有好多次去都饮哂啲汤。
酸辣汤米线(少辣) - 鸡翼🐔、麻辣腩肉🥓、冬菇 🍄+ 冻柠水🍋
酸辣汤米线 - 鸡翼、麻辣腩肉、冬菇 + 冻柠水
$60
178 浏览
0 赞好
0 留言
我每次嚟到都叫嘅米线：发现呢三个𩠌+酸辣汤系最夹～
鸡翼🐔 - 够哂入味，肉骨分离，带微微鲜甜嘅肉味，夹埋酸辣汤嘅味道超balanced！
麻辣腩肉🥓 - 高质腩肉！冇食过腩肉系可以唔鞋嘅（有比较有伤害：对比谭仔𠮶啲，真系差好远），同样带有鲜甜嘅肉味，喺酸辣汤上加上微微嘅麻辣味，系best of both worlds！
冬菇🍄 - 超 大 嚿 又 好 厚！同埋好有冬菇味～ 每次都留到最后先食，因为太好味了😭
米线 - 佢哋用幼身米线，好挂汤汁，而且有微嚼劲，食嘅时候真系觉得好satisfying🥹
By个the way，佢哋嘅墨鱼头都好好味，弹牙新鲜～ 同埋晚市烤鱼都好真材实料！鱼肉鲜甜😊
呢间铺头真系值得我做佢哋嘅忠实fans! 系香港少有嘅高级小店～
张贴
