健康食品拉麵 (威利大廈)

营业中

休息中

之前已经试过几次外卖,食咖哩猪扒饭,咖哩鸡件饭或者系鳗鱼饭,都十分好味。今次尊登黎试下佢堂食o唔ok。之所以食完又食,就因为呢一间系真正日本人开嘅餐厅,连侍应都系日本人,中文讲得麻麻地,英文唔系好得𠮶只。最紧要系呢间餐厅连日本人都去帮衬,即系话呢一间系正宗日本餐厅,唔系港式日本餐厅。呢间日本人开嘅餐厅分左右两边,一边叫外卖,一边食拉面,今次试佢拉面,叫咗糖心蛋拉面同埋香葱拉面。面就好大碗,份量十足,但系只溏心蛋就令人好失望!佢唔系溏心蛋,而系一般烚蛋,我觉得商品与事实不相符,于是就问下侍应。原来佢哋改咗做普通烚蛋,而唔系糖心蛋,咁我即刻请佢将餐牌幅图更改至得,但系我觉得佢有少少听唔明啰。讲番碗面,除咗只蛋,叉烧ok,其他配料冇问题,只系我略嫌碗面嘅酱油汤底稍为肥腻,唔系咁啱我肠胃。碗拉面对比我外卖嘅咖哩猪扒饭,可以系话差一皮,亦可以话个咖哩猪扒饭胜一筹! 个猪扒饭嘅吉列猪扒炸得啱啱好👍又热又够脆,而且咖哩汁零舍多,仲要好好味㖞,我每次外卖返屋企食,都舐埋个底咁济。所以,我终结呢间餐厅食丼系优胜过食拉面,纯粹个人意见。我仍然极力支持呢间日本餐厅,因为呢个质素,系中环嚟讲,性价比算系高嘅!