Outback Steakhouse (翡翠明珠廣場) (已結業)

童年回憶返晒黎，好似好多人已經唔記得呢間餐廳。我耐唔耐就會返嚟依度回憶下，最鍾意食黑糖麵包酸忌廉，每次都係高水準，又香又軟點埋酸忌廉超級好味。豬肋骨配薯條，每次食都覺得好好食，肋骨同肉容易分離，特製醬汁又好惹味，可以話係呢度必食。薯條份量都幾多，已經等於1個小食嘅size。芝士大蝦扁意粉，芝士汁略嫌多咗啲，有少少膩口。所謂大蝦其實係普通size，不過都算幾爽口嘅，扁意粉都幾彈牙，味道不過不失。Steakhouse Nachos，芝士煙肉紅椒等等鋪滿墨西哥脆片，又係一個好味嘅小食推介，又脆口又惹味，配埋啤酒一流。服務水準依然非常好，希望餐廳可以繼續保持初心，Keep到水準。