影片
更多
2015-07-29
486 浏览
身为元朗人, 经过呢间舖好多次都未有机会入去食今次个frd 生日, book左星期六夜晚5位台, 人齐系门口等左10分钟左右有位, 都唔算等得耐, 因为舖面唔系好大..5个女仔满心欢喜咁叫野食, 叫左几样野食, 逐款讲解一下:1>> 凯撒沙律 (约$60) (冇相)一堆生菜, 四粒面包粒, 几克烟肉碎同少少白色沙律酱既混合物呢碟系最先到既, 一放低我以为佢畀错左, 望真D 先揾到几粒面包粒同烟肉碎先知佢系caesar salad, 睇到都已经滴哂汗...味道冇乜特别, 但系最气愤既系佢salad dressing用白色沙律酱而唔系正式caesar salad dressing, so bad 2>> BBQ酱烧猪肋骨(伴薯角) ($88半份)猪肋骨上碟卖相系几好睇既(抱歉最初冇影相), 一切开就觉得出奇: 点解会咁易切开ge??? d肉仲要咁易就离骨???我推算原因只有两个可能性, 厨师将猪肋骨蒸左或烚左, 之后就系面搽d BBQ酱入炉焗多阵就话系酱烧, 否则原条烧熟既系唔会肉离骨食落口, 唔算太多肉味, 更加唔好讲烧烤味, BBQ酱味算正常 (留意:酱
今次个frd 生日, book左星期六夜晚5位台, 人齐系门口等左10分钟左右有位, 都唔算等得耐, 因为舖面唔系好大..
5个女仔满心欢喜咁叫野食, 叫左几样野食, 逐款讲解一下:
1>> 凯撒沙律 (约$60) (冇相)
一堆生菜, 四粒面包粒, 几克烟肉碎同少少白色沙律酱既混合物
呢碟系最先到既, 一放低我以为佢畀错左, 望真D 先揾到几粒面包粒同烟肉碎先知佢系caesar salad, 睇到都已经滴哂汗...
味道冇乜特别, 但系最气愤既系佢salad dressing用白色沙律酱而唔系正式caesar salad dressing, so bad
2>> BBQ酱烧猪肋骨(伴薯角) ($88半份)
BBQ酱烧猪肋骨(半份)
$88
35 浏览
0 赞好
0 留言
我推算原因只有两个可能性, 厨师将猪肋骨蒸左或烚左, 之后就系面搽d BBQ酱入炉焗多阵就话系酱烧, 否则原条烧熟既系唔会肉离骨
食落口, 唔算太多肉味, 更加唔好讲烧烤味, BBQ酱味算正常 (留意:酱味系冇渗落肉度架)
我朋友形容呢几旧猪肋骨既味道系似屋企煲完汤既汤骨!!! 成台人都一致赞同!
另外有3旧薯角, 茄子, 瓜同沙律茶做配菜, 味道正常但略嫌太少薯角
3>> 迷你三色汉堡 (炸鱼,鸡,牛) ($78)
迷你三色汉堡(炸鱼,鸡,牛)
$78
29 浏览
0 赞好
0 留言
迷你三色汉堡(炸鱼,鸡,牛)
$78
43 浏览
0 赞好
0 留言
包入面既馅系只得炸鱼, 鸡同牛 (每款一个), 咩配料都冇, 系得一细兜酸沙律酱畀你自己搽
有冇搞错呀我畀$78(未计加一)你畀三个餐包我, 用几旧细细旧鱼鸡牛做馅就话系汉堡?!?!?!
What a shame~~ 我出铜锣湾食呢个价钱加多廿蚊就有超厚牛肉同鹅肝热辣辣burger食喇! 谂起就嬲
4>> 叫三色汉堡时加$12配份细炸薯条
炸薯条(加配的)
$12
36 浏览
0 赞好
0 留言
我敢讲M记既薯条一定好食过佢
5>> 小食拼盘 ($88 / $98???) (冇相)
普通炸野十来旧, 青椒, 芝士, 炸鱼, 鱿鱼圈, 够哂热气, 唔值呢个价钱
6>>厨师精选芝士菠菜鱿鱼PIZZA ($108??) (冇相)
经女店员推介之下叫的, 最迟来, 可能有菠菜关系搞到个饼底好湿, 得少少鱿鱼, 味道麻麻, 同样唔值呢个价
本来我自己有谂住叫野饮既, 但见到食物质素咁样所以我就冇叫到, 费事多一个失望同愤怒..
成餐饭唯一冇得挑剔既系每人都有一杯清水, 系食紧d 咁难食既野期间可以畀我地清一清喉咙
席上朋友甚至话我系屋企开大食会整既野食仲好食过呢间野, 你地话悲唔悲哀
题外话/补充资料：
撇除食物既质素, 店员既服务态度几好几亲切, 店内环境都几好, 坐得几舒服。但系, d 野食咁既质素, 我以后唔会再黎lor
(以上食记乃用户个人意见 , 并不代表OpenRice之观点。)
张贴
