影片
更多
2021-09-24
507 浏览
我同朋友身处湾仔，想食泰菜🇹🇭，上网一揾之下发现酒吧街𠮶边有间新开泰菜店「Mana Thai Kitchen 」，于是就行去𠮶边睇吓。我哋都揾咗阵先见到间舖，入口喺地面，座位区就喺一楼。餐厅卖嘅泰菜均属常见款式，包括有小食、沙律、汤、咖哩、炒菜、海鲜、烧烤同饭面等，定价属中上水平，但起码每样都大大份，所以都OK☺️。牛肉船面($120)，我敢讲佢系我食过最浓郁嘅船面，汤底亦系最贴近泰国地道口味。🍜汤头好深色，食落带微微酸，估计系落咗鱼露同青柠。呢碗牛肉船面唔止得肥牛咁简单，佢仲有牛腩同牛丸，全部味道都唔错，啱晒牛魔王🐮。面底系金边粉，配埋芽菜、干蒜、炸猪皮同葱等一齐食，味道层次丰富。泰式肉碎生菜包($80)，肉碎超大碗，但对比下显得啲生菜好少，唔够包🙈。肉碎加入生洋葱同辣椒粒捞匀，混合埋食非常惹味，但辣度亦意外地强，可能咬中辣椒籽🌶️，食到我喷火咁济。泰式生虾刺身($108)，生虾一份有六只🦐，每只放进一个玻璃杯入面。除咗生虾之外，杯内仲放有薄荷叶、蒜片、辣椒同辣汁，整体食落鲜甜爽口，一啲都唔腥，比起日式刺身更具风味。泰式无骨凤爪沙律($75)，朋友好钟意食凤爪🤓，所以我唯有舍命陪君子。凤
我同朋友身处湾仔，想食泰菜🇹🇭，上网一揾之下发现酒吧街𠮶边有间新开泰菜店「Mana Thai Kitchen 」，于是就行去𠮶边睇吓。我哋都揾咗阵先见到间舖，入口喺地面，座位区就喺一楼。
餐厅卖嘅泰菜均属常见款式，包括有小食、沙律、汤、咖哩、炒菜、海鲜、烧烤同饭面等，定价属中上水平，但起码每样都大大份，所以都OK☺️。
牛肉船面
$120
10 浏览
0 赞好
0 留言
牛肉船面($120)，我敢讲佢系我食过最浓郁嘅船面，汤底亦系最贴近泰国地道口味。🍜汤头好深色，食落带微微酸，估计系落咗鱼露同青柠。呢碗牛肉船面唔止得肥牛咁简单，佢仲有牛腩同牛丸，全部味道都唔错，啱晒牛魔王🐮。面底系金边粉，配埋芽菜、干蒜、炸猪皮同葱等一齐食，味道层次丰富。
泰式肉碎生菜包
$80
5 浏览
0 赞好
0 留言
泰式肉碎生菜包($80)，肉碎超大碗，但对比下显得啲生菜好少，唔够包🙈。肉碎加入生洋葱同辣椒粒捞匀，混合埋食非常惹味，但辣度亦意外地强，可能咬中辣椒籽🌶️，食到我喷火咁济。
泰式生虾刺身($108)，生虾一份有六只🦐，每只放进一个玻璃杯入面。除咗生虾之外，杯内仲放有薄荷叶、蒜片、辣椒同辣汁，整体食落鲜甜爽口，一啲都唔腥，比起日式刺身更具风味。
泰式无骨凤爪沙律($75)，朋友好钟意食凤爪🤓，所以我唯有舍命陪君子。凤爪去骨去得好干净，口感爽弹，调味酸酸辣辣，实属开胃之选。
饮品方面，我哋都系柠檬界嘅代表🍋，分别要咗青柠梳打($42)同柠檬沙冰($48)，出奇地两杯都唔太酸，严格来讲偏甜少少，但解辣就一流。
总括嚟讲，呢间由泰国人主理嘅泰菜店味道正宗，味道较浓，无特别迁就香港人嘅口味。餐厅面积好大，座位多，适合一班人聚会。最后，泰藉店员们态度友善，又会关心客人啱唔啱食，抵赞👍。
张贴
