影片
更多
2021-05-12
4865 浏览
之前喺上环见到呢间中式小店都无为意佢叫乜名，原来佢系「囍八方」。咁佢咪即系由深水埗开到去上环😳，两区格调好唔同㖞！上环店卖嘅食物款式比深水埗店还要多，但价钱就稍为贵少少啦。除咗饺子外🥟，呢度仲有卖饭餐、捞面、车仔面同各式小食等。煎粟米香菇鲜猪肉饺($47/6只)，饺皮偏厚，轻煎所以个底唔算好脆。猪肉馅相当多，当中混入咗粟米粒🌽同冬菇🍄，以增加口感同丰富口味，而且佢亦算几多汁。汤素饺($48/6只)，汤饺同煎饺嘅口感有所不同，汤饺就可以品尝到饺皮嘅滑。素饺嘅馅料其实都有粟米同菇，但就当然无肉，感觉健康💚。另外，素汤味道几特别，清清哋，可以湿下口。农家粟子炆鸭饭($56)，饭餐会奉送一碗美颜骨胶紫菜鲜鱼汤，汤品煮至奶白色，几好饮，又唔腥。粟子炆鸭几大碟🦆，不过要噒骨…，但味道都OK，唔会太咸。白饭一碗，如果唔够可以添加一次🍚。囍八方冷泡茶($26)，冷泡茶用樽仔装住🍵，茶味清香，估计应该系绿茶底。小店喺餐牌度强调住系用电解还原水冲制，好搞笑😂。枱面上放有调味料香醋同辣菜甫，后者辣度好厉害🌶，但亦好脆口，令人又爱又恨。总括嚟讲，饺子店喺香港多的是🇭🇰，但囍八方系几有自家特色嘅，装修亦比较有心
之前喺上环见到呢间中式小店都无为意佢叫乜名，原来佢系「囍八方」。咁佢咪即系由深水埗开到去上环😳，两区格调好唔同㖞！
上环店卖嘅食物款式比深水埗店还要多，但价钱就稍为贵少少啦。除咗饺子外🥟，呢度仲有卖饭餐、捞面、车仔面同各式小食等。
煎粟米香菇鲜猪肉饺($47/6只)，饺皮偏厚，轻煎所以个底唔算好脆。猪肉馅相当多，当中混入咗粟米粒🌽同冬菇🍄，以增加口感同丰富口味，而且佢亦算几多汁。
汤素饺($48/6只)，汤饺同煎饺嘅口感有所不同，汤饺就可以品尝到饺皮嘅滑。素饺嘅馅料其实都有粟米同菇，但就当然无肉，感觉健康💚。另外，素汤味道几特别，清清哋，可以湿下口。
农家粟子炆鸭饭($56)，饭餐会奉送一碗美颜骨胶紫菜鲜鱼汤，汤品煮至奶白色，几好饮，又唔腥。粟子炆鸭几大碟🦆，不过要噒骨…，但味道都OK，唔会太咸。白饭一碗，如果唔够可以添加一次🍚。
囍八方冷泡茶($26)，冷泡茶用樽仔装住🍵，茶味清香，估计应该系绿茶底。小店喺餐牌度强调住系用电解还原水冲制，好搞笑😂。
枱面上放有调味料香醋同辣菜甫，后者辣度好厉害🌶，但亦好脆口，令人又爱又恨。
总括嚟讲，饺子店喺香港多的是🇭🇰，但囍八方系几有自家特色嘅，装修亦比较有心思，行新派路线。题外话，我仲留意到店员都系食呢度嘅饺子㗎，咁就证明佢哋都好满意个质素啦☺️。
张贴
