得閒飲茶

营业中

休息中

本来想食点心放题，奈何好多都系要两位，由于我邀请唔到朋友同我去，今日落完大角咀蒸脚，我周围search揾一间好食嘅点心舖，自私食😂 search到太子有间叫得闲饮茶嘅点心专门店，系即叫即蒸，望吓啲相片都好吸引，有个叫做春风得意肠，我之前喺第二间酒楼食过，见其他点心卖相都唔错，咁就去𠮶度试吓先。我叫酱皇蒸凤爪，香西牛肉肠，春风得意肠，千岛酱萝卜糕，虫草花鱼翅饺，黑椒牛仔骨蒸笼仔饭，沙爹金钱肚，紫薯流心煎堆仔，陈村粉蒸排骨，3.6太阳布甸，总括嚟讲我全部都钟意食，唯一系个千岛酱萝卜糕比较漏，春风得意肠，得豉油点如果可以加多一两款酱汁点会更加吸引，牛仔骨蒸饭，牛仔骨好腍，啲汁捞埋啲饭好好食，而最惊喜系个紫薯流心煎堆仔，嚟到热辣辣，咬落去外脆内软，咸蛋王心流晒出嚟，小心辣嘴，之后我忍唔住叫多一份，即系一次过食咗六个😂有有时间一定会再嚟😌