順景食店

营业中

休息中

由以前系街嘅地舖，食到搬过黎熟食中心，真系真心由细食到大嘅牛腩店。老板一家三口都会系铺头帮手，老板娘都认得我地，去到都会打声招呼。平时会有牛腩粉食，今次我地一家人去食夜晚嘅牛腩煲，记住要订架！首先有滑鸡，因为大家太肚饿冇影到相，不过真系超滑！汤都系牛腩汤底，饮埋都唔怕。另一味鸡系蒸鸡，有虫草花、红枣，味道浓过滑鸡，个人就钟意哩个多d。食完鸡就到重头戏 - 牛腩煲啦！我地多人叫左两个大牛腩煲，未叫火锅料，本身个煲入面已经有粟米、牛腩、白萝卜，仲附送一篮生菜。滚起左饮啖汤先！好味好味好味！饮落好舒服，会好想继续饮，唔会好重味精味，牛腩就要滚耐d先淋。每次必叫嘅料有猪润同粉肠，两个都系超大旧，猪润可以渌到啱啱好，够厚身。今次咁啱冇晒粉肠，下次再叫。到粉面，又冇我地平时叫开嘅河粉，不过！老板介绍我地试米粉，竟然！好味过河粉！米粉质地系有咬口，一d都唔淋，加埋入味嘅萝卜，仲要冇渣架，正。