沙嗲王 (官塘工業中心) (已結業)

唔系讲笑，沙嗲王真系由细食到大。以前细个食开个间沙嗲王系裕民坊上一楼个间（入面海盗主题仲有一只只木船卡位～）裕民坊个间冇左之后，就搬又去官观工业中心。咁岩个日同屋企人讲起想食沙嗲王，就去左喇！温泉蛋牛肉焗饭呢个焗饭我觉得真系超好食，牛肉粒好淋，将温泉蛋捞埋啲饭，蛋味同牛味好夹，芝士味又好正，但系如果一个人食就会太腻。白咖哩猪排饭白咖哩一直都系沙嗲王嘅王牌，中意食甜咖哩嘅人真系可以试下，虽然我比较中意食日式咖哩，但系沙嗲王嘅白咖哩真系唔错。猪排冇雪藏味，饭又系用珍珠米，白咖哩送饭一流。牛油鸡翼炸粉唔系好厚，好好食。芝士薯条红酒汁薯条冇可能难食，但餐牌上面讲嘅红酒汁个味道就唔系太觉有。虾春卷炸芝士年糕呢个芝士年糕相比起其他就差咁啲，年糕冇想像中咁烟韧。同埋真系好腻～