影片
更多
2022-05-08
2264 浏览
我哋不嬲好钟意食上海菜，钟意佢嘅精致啲同选择够多，咁啱又系母亲节咁就出师有名，捉埋两老拆餐劲嘅🤤 我哋今次拣咗嘅系我哋屋企其中一间嘅饭堂香港老饭店贪佢哋水准高兼且咁多年都保持到👍🏻无锡脆鳝($148)：系江苏无锡一带嘅传统名菜，做法系将鳝肉切丝后再炸。口感脆卜卜，酱汁味道似糖醋排骨，要衬热食，因为冻咗会黐埋一旧😂脆蜇头($168)：海蜇好厚身伴以青瓜一齐食，口感一个字，脆！酱汁唔算太酸，青瓜亦有少少咸味，成个菜食落好清新，啱晒宜家又热又湿嘅天气。🫠(ed小分享 : 海蜇头是指水母的触须部位，亦含有人体需要的多种营养成分，低胆固醇同时又低热量，啱哂健康人士🤫)烤双方($232)：呢款菜式简单啲讲即系上海版三文治，一样有火腿😂 火腿肥瘦均匀，亦唔使怕太咸，因为佢系用花蜜去饯出嚟，加埋块炸腐皮面包一齐食，口感松脆，而且花蜜带出嚟嘅清甜完美咁将所有食材融和一齐🤤虾子海参($428)：海参有咩好，相信唔使讲啦，大家都知道。虾子嘅鲜，加埋海参嘅弹牙，食落咸咸鲜鲜咁。叫碗白饭，再将个白饭倒落去做碟头饭一流😂豆板苋菜($138，hidden menu)：食咗太多肉，都要食返啲菜去平衡下😂 所谓豆板即系
无锡脆鳝($148)：系江苏无锡一带嘅传统名菜，做法系将鳝肉切丝后再炸。口感脆卜卜，酱汁味道似糖醋排骨，要衬热食，因为冻咗会黐埋一旧😂
脆蜇头($168)：海蜇好厚身伴以青瓜一齐食，口感一个字，脆！酱汁唔算太酸，青瓜亦有少少咸味，成个菜食落好清新，啱晒宜家又热又湿嘅天气。🫠
(ed小分享 : 海蜇头是指水母的触须部位，亦含有人体需要的多种营养成分，低胆固醇同时又低热量，啱哂健康人士🤫)
烤双方($232)：呢款菜式简单啲讲即系上海版三文治，一样有火腿😂 火腿肥瘦均匀，亦唔使怕太咸，因为佢系用花蜜去饯出嚟，加埋块炸腐皮面包一齐食，口感松脆，而且花蜜带出嚟嘅清甜完美咁将所有食材融和一齐🤤
虾子海参($428)：海参有咩好，相信唔使讲啦，大家都知道。虾子嘅鲜，加埋海参嘅弹牙，食落咸咸鲜鲜咁。叫碗白饭，再将个白饭倒落去做碟头饭一流😂
豆板苋菜($138，hidden menu)：食咗太多肉，都要食返啲菜去平衡下😂 所谓豆板即系蚕豆去边，苋菜而家当做，所以好鲜，好食！🤤
小笼包($112/ 8只)：小笼包入边有汤就必须嘅，据大厨所讲，佢哋搓皮嘅时候用上汤代替水，所以唔似坊间小笼包咁皮还皮，汤还汤。老饭店嘅小笼包就啱啱好，包皮亦唔会太厚或太薄，好好食。
八宝煎芋泥($115/ 细)：话晒母亲节，点都要用甜点来做结尾，味道清甜，虽然系煎，不过一啲都唔油。入面有少少红豆喺入边，食完饮啖龙井，好舒服😌
老实讲，呢间餐厅菜式选择极多，而且价钱咁多年都冇乜点改变，每个员工都起码做咗廿几年以上，疫情停业期间亦冇裁员而且出足粮，个老板算系咁。钟意食上海菜嘅朋友，我哋真心推介。除咗以上呢啲菜式，佢哋嘅上海粗炒、酒酿丸子都唔错，做法都好正宗。不过上去之前，最好预先订位，大时大节嘅话一定好爆。
张贴
