許祥昌食店

营业中

休息中

细个我喺元朗住，妈咪成日带我去呢一间车仔面食晏昼。真系可以堪称由细食到大嘅面店！ 相信系好多元朗人嘅童年回忆😌通常我就唔会散叫，直接叫例牌，懒得拣呀嘛！😆😆例牌系样样都有，就好似我张相咁样。佢嘅𩠌通常都有少少味嘅，另外个汤就可以拣辣唔辣。例牌有分大中细，我今日叫个细就ok，因为想饮埋杯凉粉红豆冰❤️❤️❤️讲起嘢饮，佢有好多选择，红豆，奶茶，凉粉，咖啡，鸳鸯😎以上嘅可以随便配搭🤤另外仲有三色冰，凉粉冰，杂果冰，菠萝冰等等，你想加凉粉咩？又得！老实讲，你话佢系咪超好食呢又唔系嘅，不过平得来食得过系真既，而且对老店真系有个情意结喺度，所以间唔时返元朗都会帮衬下😎😎😎