影片
更多
2020-07-03
574 浏览
每次去食亲猪扒面同鱼蛋粉，姨妈佢一定会叫李记嘅奶茶同西多士～奶茶的确好香滑，但我会觉得西多士比奶茶更加惊艳🤩 细个个阵我觉得出面啲西多士应该间间都好似李记咁～跟返父母生活先知原来呢个味道系出面食唔到～所以我而家净系会食李记嘅西多士，无食出面𠮶啲～⠀⠀🧈西多士🍼$18⠀★我食开系奶油多～佢系会落牛油同炼奶喺表面⠀★即叫即整，每次都可能等10几分钟～目前每次食佢都系热辣辣同金黄色🤩⠀★佢个西多士系整得超软熟，入面好软绵绵，但你用叉压落去，佢又会好似海棉蛋糕咁弹返上黎🤩好松软🤤⠀★ 唔会干身，长期表面都铺满好多炼奶，所以个西多士入晒味～😍 ⠀（爆酱咁款😂）★质感其实有少少似法式多士（甜品，L_K𠮶种），但佢个皮呢就冇咁硬同冇咁干，比法式多士更湿润软稔⠀★但系！佢唔系成个软淋淋，佢表层都有一层薄薄嘅脆皮～佢唔似出面啲西多士个表皮咁厚～有啲个表皮好厚嘅反而会炸到硬哂好难食～但佢就薄薄一层，口感更好，而且比起厚身嘅无咁油腻⠀★佢唔同出面嘅西多士，佢入面唔会有花生酱～但我觉得就咁炼奶同牛油已经够味，加埋花生酱反而可能更加漏，同埋令到味道过份复杂，盖过牛油味同炼奶⠀睇到幅图，你可能会觉得：咁得炼奶同牛
⠀
🧈西多士🍼$18⠀
★我食开系奶油多～佢系会落牛油同炼奶喺表面⠀
★即叫即整，每次都可能等10几分钟～目前每次食佢都系热辣辣同金黄色🤩⠀
★佢个西多士系整得超软熟，入面好软绵绵，但你用叉压落去，佢又会好似海棉蛋糕咁弹返上黎🤩好松软🤤⠀
★ 唔会干身，长期表面都铺满好多炼奶，所以个西多士入晒味～😍 ⠀（爆酱咁款😂）
★质感其实有少少似法式多士（甜品，L_K𠮶种），但佢个皮呢就冇咁硬同冇咁干，比法式多士更湿润软稔⠀
★但系！佢唔系成个软淋淋，佢表层都有一层薄薄嘅脆皮～佢唔似出面啲西多士个表皮咁厚～有啲个表皮好厚嘅反而会炸到硬哂好难食～但佢就薄薄一层，口感更好，而且比起厚身嘅无咁油腻⠀
★佢唔同出面嘅西多士，佢入面唔会有花生酱～但我觉得就咁炼奶同牛油已经够味，加埋花生酱反而可能更加漏，同埋令到味道过份复杂，盖过牛油味同炼奶
⠀
睇到幅图，你可能会觉得：咁得炼奶同牛油咪好滞同好漏？一定甜死啦😅⠀
★唔钟意食太甜嘅我可以同你讲：味道唔会好甜～可能因为炼奶唔同糖浆，佢真系唔会太甜/死甜～同埋我觉得佢个炼奶系沟稀左，比一般炼奶更要滑溜～所以就算佢铺咁多喺面，都真系唔觉得太甜⠀
★同埋沟埋啲有少少咸味又溶溶地嘅牛油一齐食，个牛油都可以平衡返个炼奶嘅甜味～真系有甜而不腻嘅感觉😍 （建议三样野真系要一齐食，咁先最好味）⠀
⠀
其实干身嘅西多士通常都会俾人一种油腻嘅感觉，但呢个西多士系好湿润～我每次食完都无一种食咗炸嘢嘅感觉😂 唉好想佢快啲装修完，见猪扒面嘅uncle,李记嘅aunties同爆炸头哥哥（嗯其实佢而家已经唔系爆炸头同好少喺铺头😂）毕竟由细食到大😂佢地都记得我地呢啲熟客仔～ ⠀
西多士
$18
118 浏览
0 赞好
0 留言
张贴
