好彩海鮮酒家

营业中

休息中

爸爸生日， 老人家指定要去老地方庆祝 生日， 平时已经系饮茶常客，食极都唔厌 ，今晚我哋book咗间房，订咗一围十三人的 餐单，当中包括: 大明虾厨师沙律， 好大碟的鲜果沙律配上美美 沙律虾 份量 十足 多子瑶柱甫， 瑶柱大大粒，而且用咗豆苗做底 好好味呀！油泡响螺片， 螺片爽口而不靱， 再用 芥兰茎伴碟，好正！彩椒炒海参， 呢个𩠌反而一般，彩椒 冇甜味， 我又唔系太钟意食海参。螺头鸡炖大散翅， 散翅份量足足24两， 真系正到晕， 全晚焦点都系呢煲鸡汤翅蚝皇生扣四头南非鲜鲍鱼， 都系一个字，正！！清蒸东星斑， 呢条鱼蒸得恰到好处， 鱼肉滑一滑其余菜式包括生扣鸳鸯鸡，鲜虾小馄饨，原个菠萝焗海鲜饭，椰皇炖鲜奶， 迷你红豆酥， 最后则是生果拼盘。 老爸食饱心满意足，祝他老人家身体健康，年年有今日！