新是你的餐廳 (已結業)

难得平日放假，去完银行搞完啲嘢之后，见有啲肚饿就去咗呢间「是你的餐厅」食午饭，企系门口一望今日午餐有我自细都钟意食嘅红烧猪扒，马上冲入去开餐！唔讲大家唔知，呢间餐厅由我好细个开始已经系到，我谂都有将近二十年喇，细个成日同屋企人泥呢到食晚饭。虽然有听过转过手，但好庆幸呢个童年回忆系今时今日仲继续经营紧。废话少讲，今日我叫咗白汤，个人觉得呢到白汤好饮过红汤，creamy啲！配一片小蒜蓉包，虽然唔够热但都仲脆口嘅，可以浸少少白汤食。期间红烧猪扒到喇，可以配炒饭、意粉或薯菜，太耐无泥唔太记得原来薯菜系原只焗薯仔粒。讲起红烧猪扒，细个食唔出呢只系咩味道，但系大个就知道「哦，原来系叉烧酱汁味」，虽然食得多会漏，但配饭或沙律食都唔错架！至于午餐食个份量唔算太过量，岩岩好！总结，唔知系咪红烧猪扒比较冷门呢，我觉得好少地方先有得食到，所以每一次瘾起都会去呢间「是你的餐厅」，所以食得多BBQ叉烧汁鸡翼，想试下叉烧汁猪扒可以泥呢到一试。