又一戟 (已結業)

每次去葵广就算食到几饱，有一样嘢都一定会食，就系又戟一啦！已经由初中食到而家出咗嚟做嘢几年，佢嘅味道依然咁好、价钱亦都冇点变、不过就出咗好多新花款，但系最犀利嘅系越整越好味！每次去到都系要排队，不过佢哋做嘢好快手，所以好快就搞掂。今次食呢个士多啤梨芝士蛋糕，系我嘅王牌之选。雪糕就会拣返云呢拿或者士多啤梨味。芝士蛋糕质地柔滑，芝士味唔算好浓，配返班戟就啱啱好啦。士多啤梨呢就多数都系酸酸地😂 但系冇所谓因为个cream系甜嘅，配埋朱古力酱就就简直系天衣无缝啦自己钟意佢嘅班戟皮比较薄，所以更加食得出其他材料嘅味道，而且佢嘅份量其实唔算好大，所有有时当小食都唔错。如果想当正餐食就可以拣咸点。上次食过榴梿芝士饼都非常之好味，推介大家试下！又一戟，冇得输呀！