美味廚 (已結業)

这间系我由细食到大的老店之一，你耐不耐就会挂住佢嘅菜肉云吞同炸排骨，所以今日就谂住嚟食lunch , 星期日中午约一点左右，人不多不用等位，坐下点了"炸排骨汤面"同"三丝炒面"，首先嚟嘅系排骨面，排骨同面系分开上令排骨冇咁易比汤整淋左，炸排骨整块也炸得非常漂亮，仲有佢已经帮你切开左约四块方便人客品尝，佢的颜色比外面店的效深啡色系一种给人好想食的炸物颜色，再加上佢特有甜甜的味道令你想食完一块再一块的感觉，以我自己来讲，我最钟意食最左同最右𠮶块排骨，因为系比中间的浓味同埋会多点肥膏在内，真系人间美味！面依然简单幼细而汤亦够味道，和排骨一齐食简直绝配！之后到我从未在这店食过的三丝炒面，佢六十五元一碟我一睇就觉得比较细碟份量比较小，材料有虾、火腿，菜等等，卖相比较一般，但当我食落口之后，感觉完全两口时，佢嘅汁料非常野味，佢炒到所有汁都可以平均包住晒啲面同料，所以你食每一条面或配料都可以完全食到佢个汁，而虾都几弹牙，好快唔觉唔觉就K.O晒成碟面，确实系有水准嘅炒面，只系如果比男人食系细碟左少少！