三小漁 (已結業)

一路帮衬开观塘店好满意，物超所值，中环新店收工黎食都好方便，迫不及待黎试下水准。鲜菠萝芥末虾球每次都会叫，虾球非常大粒，大口如我都要分几啖食。 芥末酱系好有深度嘅味道，微微攻鼻好惹味，净系为左个酱都值得再食。酥炸蜂巢蚝饼首先比一般潮州菜大份已经好惊喜，全块蚝饼真系炸得好酥脆而唔会油腻，每一啖都好似食紧酥皮咁好香。 除左粒粒蚝仔同有蛋香之外，我钟意食落有好多炸得好香口嘅葱，味道好丰富。十年陈皮鱼茸羹真系落咗好多陈皮，平时我都少食但真系有清新香味唔苦涩，有提鲜嘅作用。 鱼茸羹好顺滑，清清地味道好养生，食得出系啲工夫菜。