影片
更多
2022-01-17
98 浏览
听到哩个铺头好耐，之前睇到YouTuber 同 food blogger 介绍过。广东道分店喺一个商场入边，啱啱系啲名店对面，其实唔难揾，但系个门口唔系好吸引，好唔起眼，好容易miss咗，唔系喺网上面见到啲介绍，真系唔会入嚟。上到去一楼，佢好似一个市集咁，但系个场好静，可能咁岩系平日。即使所谓嘅市集，其实都系得几档有货放喺度，同埋无职员，想买都买唔到😅在上一层，就会有嘢食，气氛依然好静。我谂我全程见到少过五位食客。因为有目标，就直接去咗长洲角酪店舖。叫咗莓莓角酪同角酪卷。杯乳酪同我想像中有啲唔一样，初头以为佢好似外国啲milkshake咁好杰身。饮落唔算太甜，有士多啤梨嘅酸味，同埋有啲紫米，一路饮一路有啲嘢咬下，都几新鲜。几好饮👍🏻至于个角酪卷，蛋糕松软，但整体就觉得普普通通。佢系蝶豆花蛋糕，馅料系乳酪士多啤梨cream。可能蝶豆花本身冇乜味，除咗中间嘅cream好香、好滑，都食唔到有咩特别。商场系自助形式运作，先去中央缴费处点餐，然之后去相应嘅店舖攞嘢食。食完都要自己清理返垃圾。但系商场嘅安排实在有啲差，希望顾客自己清理垃圾，但系场内冇垃圾桶。食客要拎去扶手电梯旁边嘅后楼梯垃圾桶。如
广东道分店喺一个商场入边，啱啱系啲名店对面，其实唔难揾，但系个门口唔系好吸引，好唔起眼，好容易miss咗，唔系喺网上面见到啲介绍，真系唔会入嚟。
上到去一楼，佢好似一个市集咁，但系个场好静，可能咁岩系平日。即使所谓嘅市集，其实都系得几档有货放喺度，同埋无职员，想买都买唔到😅
在上一层，就会有嘢食，气氛依然好静。我谂我全程见到少过五位食客。
因为有目标，就直接去咗长洲角酪店舖。
叫咗莓莓角酪同角酪卷。
杯乳酪同我想像中有啲唔一样，初头以为佢好似外国啲milkshake咁好杰身。饮落唔算太甜，有士多啤梨嘅酸味，同埋有啲紫米，一路饮一路有啲嘢咬下，都几新鲜。几好饮👍🏻
至于个角酪卷，蛋糕松软，但整体就觉得普普通通。佢系蝶豆花蛋糕，馅料系乳酪士多啤梨cream。可能蝶豆花本身冇乜味，除咗中间嘅cream好香、好滑，都食唔到有咩特别。
商场系自助形式运作，先去中央缴费处点餐，然之后去相应嘅店舖攞嘢食。食完都要自己清理返垃圾。
但系商场嘅安排实在有啲差，希望顾客自己清理垃圾，但系场内冇垃圾桶。食客要拎去扶手电梯旁边嘅后楼梯垃圾桶。
如果商场真系希望减少人手，由食客自己清理垃圾，最起码应该要放返个垃圾桶喺商场入面。
如果从未食过长洲角酪嘅朋友，值得去试。不过商场嘅安排，实在有待改善。
张贴
