影片
更多
2023-06-25
191 浏览
喺12期搬走咗之后就冇再帮衬因为唔系好就脚。今日星期日特登行过去一期试吓。食物方面都系大家乐出品，正正常常冇乜特别出色。去得一粥面，比呢个价钱，咁当然唔会系谂住食半岛出品。要提一提 D 阿姐啲服务态度，同12期嘅时候一模一样 - 劣！keep到水准㖞！都系咁差成日寸啲客！例如我叫冰镇奶茶要加冰，见到张单打住走冰，咪问吓佢系咪真系会加冰，咁佢就好恶咁话走冰即系加冰啰你唔明咩！咁啰。咁我又真系唔明㖞。跟住去攞嘢食，隔离位男士问佢点解一set海南鸡饭要分开两个tray。咁食物柜台𠮶位阿姐又系冇礼貌地讲话 = 因为一个tray放唔落。咁一来我又觉得唔使咁冇礼貌嘅，你解释比个客听咪得啰话晒都系客人。咁之后男食客就无奈地先攞一tray，转头再攞另一盘啦。咁我就喺度等紧嘅，就听到食物柜台阿姐话你咁叻咪一次过攞晒啰。位男士就听唔到嘅不过我听到啰！系咪真系要用咁嘅态度对食客呢？
张贴