拉麵來 (已搬遷) 新店位置

话说，我真系好钟意甲壳素嘅味道架嘛，今日黎到拉面来，第二次食架喇，唔驶等位！呢到装潢算有特色，好多怀旧玩具做装饰！坐低就睇下menu......拉面款式都叫多，唔算系独沽一味....咁我同男人见到个虾浓汤，都觉得好吸引，两个人都决定叫佢！两碗拉面黎到，系浓郁嘅汤呀！呷一啖汤头先，出乎意料嘅浓郁，真系好正嘅甲壳素😍😍😍但成个面，似乎净系食个汤，因为面同虾都无咩特别！百几蚊.....咁拉面黎讲...我会拣番渔x台x..佢性价比高啲....同场仲食左明太子鸡翼！伴碟嘅青瓜酸酸辣辣几好味！明太子鸡翼就唔太特别...可不吃....而佢有啲辣腌菜可以加落拉面到，但真系加少少都几辣，同会破坏左个汤，所以即刻拣番晒出黎！值得赞嘅系店员换水壶速度好快，得番半壶就会黎放低新一壶！