新桂香燒臘

营业中

休息中

我今年未到四十，但今日用左超过四十蚊，食左个烧味饭。烧味店并非身处商业区，位于柴湾既住宅区，咁岩lunch经过，于是去买外卖。中午时份，不论堂食定外卖，都几多人。点左个叉烧烧肉饭，原来$42双拼送例汤。叉烧烧肉饭+例汤大约5分钟既路程番到食饭既地方，打开饭盒，盒饭依然烧腾腾。叉烧系我钟意，无肥膏果只，厚道适中。再试埋烧肉，啖啖肉加少许肥膏。烧肉既灵魂 - 皮，虽然经过五分钟路程，但仲系脆皮。烧味饭汁虽然已经几多，但系部分饭仍未沾到。另一美中不足既地方系唔记得要姜蓉，令今次食既叉烧烧肉饭未能锦上添花。其实一般街坊烧味饭都系$30附近，价钱亲民。而呢个开价$42既街坊双拼饭价钱略高，虽然质素的确好一点，但如果价钱可以回落番$30附近，相信一定更客似云来。