影片
更多
2012-12-30
94 浏览
好少见到一间铺头既评分有咁高，睇黎应该都系好野，决定去试试呢一间位于元朗洪水桥既男人厨房。幸得友有有车，放工后好快就到达目的地。位置上，好近轻铁站，就算没有有人既车，应该都只系用多少少时间就可以黎到，交通方便。我book咗枱，到达时7:00pm，唔系太多人，book同唔book冇乜分别。坐低一阵，店员好快已经问我地食乜，当然要食好野就要拣多少少时间。最后，我哋拣一个意式pizza、焗海鲜寛条蛋面、BBQ曼克顿谷饲猪仔骨(半份)、德国肠拼盘、鲜橙汁、冻香浓朱古力同热即磨咖啡，似乎唔系太多既野食，但原来份量唔少。首先出场既系德国肠拼盘，有2种肠，其中一种系黑椒，另一种我就唔系好记得喇，配埋个薯条，开头真系唔错，我哋几个都觉得唔错，至少，但d肠唔会整到太油，黑椒亦唔会太过份既黑椒。接著落黎，由于其中一位友人想饮百事，所以叫咗一个餐，系蒜蓉包+杂菜汤，听讲d蒜蓉包几好食，食落其实d蒜蓉够，但包唔够热，配合唔到蒜蓉，令我有d失望，杂菜汤唔知点解最后冇人饮。但只系计呢个餐，其实又真系几平，包可以分到每人一件。第3样野系焗海鲜寛条蛋面，本人同友人们都觉得系咁多野食中较为逊色既菜色，原本系推介既菜，但
好少见到一间铺头既评分有咁高，睇黎应该都系好野，决定去试试呢一间位于元朗洪水桥既男人厨房。幸得友有有车，放工后好快就到达目的地。位置上，好近轻铁站，就算没有有人既车，应该都只系用多少少时间就可以黎到，交通方便。
我book咗枱，到达时7:00pm，唔系太多人，book同唔book冇乜分别。坐低一阵，店员好快已经问我地食乜，当然要食好野就要拣多少少时间。最后，我哋拣一个意式pizza、焗海鲜寛条蛋面、BBQ曼克顿谷饲猪仔骨(半份)、德国肠拼盘、鲜橙汁、冻香浓朱古力同热即磨咖啡，似乎唔系太多既野食，但原来份量唔少。
首先出场既系德国肠拼盘，有2种肠，其中一种系黑椒，另一种我就唔系好记得喇，配埋个薯条，开头真系唔错，我哋几个都觉得唔错，至少，但d肠唔会整到太油，黑椒亦唔会太过份既黑椒。接著落黎，由于其中一位友人想饮百事，所以叫咗一个餐，系蒜蓉包+杂菜汤，听讲d蒜蓉包几好食，食落其实d蒜蓉够，但包唔够热，配合唔到蒜蓉，令我有d失望，杂菜汤唔知点解最后冇人饮。但只系计呢个餐，其实又真系几平，包可以分到每人一件。
第3样野系焗海鲜寛条蛋面，本人同友人们都觉得系咁多野食中较为逊色既菜色，原本系推介既菜，但系由于既汁唔够"杰"，令到成个寛条蛋面完全唔好食，海鲜系有，但由于系焗既关系，个汁对成个菜好重要，但偏偏佢做得唔系咁好，唯一系佢足料。上菜好快，意式pizza、鲜橙汁、冻香浓朱古力同热即磨咖啡亦同样上哂。唔讲pizza住，友人既冻香浓朱古力唔错，有应有既朱古力香，朱古力亦够浓(我observe到)，友人亦话唔错。另外，另一友人既热即磨咖啡系所有饮品既亮点，佢既咖啡香，即使系坐得好远既我都闻到，抵赞!!!只可惜既系，佢既鲜橙汁唔够味，我感觉好似唔系橙汁、饮到似西柚汁，亦唔够平时饮既浓既橙汁。
意式pizza系另一个较受我地欢迎既食品。如果我冇记错既话，pizza好似用咗车打cheese，食落好香既芝士味，由于系hand-made既关系啦，饼身比较硬，如果倾向软少少再加上车打芝士(可能要分开整，整既温度唔同)，应该可以将个pizza既好食程度推至最高。店内既芝士粉亦唔够出味，可能系本人食惯pizza必落，其实意式pizza唔落都ok。特别一提系，个pizza有分开10、14同18寸，好啱唔同人数。
BBQ曼克顿谷饲猪仔骨(半份)系我地觉得最好食既一个食物，强烈推介!!!!仲记得book枱时，店员已提醒我因有时货源有限，可以最d order定，结果我冇order错，猪仔骨都有唔少肉同埋最like佢既酱汁，未试过可以整得咁好食，我估佢地整猪仔骨既时间应该较长，酱并唔系就咁淋上去，食到d骨都有酱汁味，睇得出佢地好用心做，like爆!!!!好食还好食，但有样野我觉得佢地可以改善，每一道上既时候，都唔会有任何公用餐具，每次都要我地主动咁问佢拎先有，
好似pizza咁，要戒开佢，连刀都冇把，点整开每人一件㖞 =.="
题外话/补充资料：
BBQ曼克顿谷饲猪仔骨必食
(以上食记乃用户个人意见 , 并不代表OpenRice之观点。)
张贴
