大紅袍火鍋料理 (已結業)

几个男人食餐饭聚旧，自然就系打边炉，今次见到呢间大红袍有个招牌汤底叫金屋藏娇，自然二话不说就决定去试下佢。入到去个环境满满的中国风，同店名衬到绝。坐低后我哋当然要点返个金屋藏娇汤底，一大堆男人打边炉必点嘢食，同一人一杯麒麟生啤，啤一啤佢。个金屋藏娇一到就闻到香味，咁啱现炸既响铃到左，决定用佢来打响头炮。响铃浸一浸个汤几秒，放入口满满既浓汤真系好过瘾，再渌一渌牛肉配啖生啤，真系满足！麻甩佬食饭唔点鹅肠点得，啲肠一睇就对板，满满既油份，真系食完仲想再食！