財記美食 (已結業)

近呢5至8年嘅观塘实在变咗好多，由工业区开始转型为CBD2（第二核心商业区）。观塘虽然多咗好多文青cafe同主题餐厅，但呢区其实仲有好多抵食嘅茶记，绝对系享受男人浪漫嘅集中地！今日我哋就去到观塘嘅财记美食，享受放工后A姐M佬茶餐厅小炒嘅浪漫。椒盐鲜鱿一坐低就送上例汤，饮住汤再拣小菜，呢度嘅小菜配埋白饭同饮品，够晒抵食。香口嘅嘢食，几时都系最吸引，呢碟椒盐鲜鱿嘅炸粉够晒薄，一啲都唔油腻，做得一赞！外皮非常香脆，椒盐嘅咸香够晒惹味，而鲜鱿非常爽口弹牙，必食推介。鱼香茄子煲食煲仔菜最治愈就系上枱嘅滋滋声。份量非常多，咸鱼味浓香劲开胃，茄子走油，所以食起上嚟够软腍，味道方面少少辣，用嚟送饭就啱晒啦！豉汁蒸仓鱼平时A姐屋企煮饭好少整鱼，因为佢话好怕腥，所以出街食小菜，我都好钟意叫条鱼。仓鱼洗得非常干净，肉质嫩滑，最正当然系同仓鱼最friend嘅鼓汁啦，相当惹味。梅子蒸排骨梅子蒸排骨系A姐最钟意嘅小菜（没有之一），但自从我哋一齐之后，佢知我唔钟意食酸嘢，所以从来都无叫，所以呢碟梅子蒸排骨绝对系佢久违嘅幸福。呢碟梅子蒸排骨份量超多，排骨够入味，酸酸哋够晒开胃，同样啱晒送饭。