越男仔 (已搬遷) 新店位置

有一次男朋友揸电单车咁啱就系拍在越南仔门口，所以谂住方便就行咗入去食， 佢食完就话下次一定要带我嚟试， 适逢今日出开嚟旺角，男朋友就带咗我地去试， 我哋三个人嗌咗 三碗粉 加两个小食， 我叫咗生牛肉汤河 𠮶个生牛肉真系好出色 好香口好有牛味， 真系大啖大啖咁食呀， 而我男朋友就叫咗 窝蛋牛肉捞檬 真系好特别， 窝蛋牛肉饭就听得多 估唔到呢个窝蛋牛肉捞檬 咁好食， 佢仲送埋 生菜畀你包 可以夹啲牛肉萝卜丝青瓜丝 卷埋一齐食， 真系好出色， 将只窝蛋 搞埋落啲蒙粉度 好香蛋浆味 配埋酸汁 好开胃， 而我朋友就叫咗 酸奶 椰汤鸡河粉， 呢种味道好特别 第一次 试， 都不过不失， 我哋仲追加咗 三味鸡翼， 一边系泰式酸辣一边系 蒜蓉牛油 另一边系 盐酥， 我自己最欣赏就系泰式酸辣， 真系好开胃， 一人得两只色实在太少 最后上埋 四色纸米卷有海胆 鸡肉牛肉同烟三文鱼 真系样样都想试， 下次要再嗌多啲人嚟一齐食嗌多啲 唔同嘅款， 不过呢度唯一美中不足 就系太少位置， 旦食物质素完全可以弥补