2/3 Dolci (已結業)

大年初一，梗系要拜年，下昼就出咗去九龙塘探+拜年婆婆。完事后，虽然已经行咗成日，但咁大个又一城，梗系要去行一行啦。行到攰，准备走去第二场，但真系想抖一抖，饮杯咖啡中和一下年糕，萝卜糕嘅肥腻，明明想去starbucks买杯嘢一路行一路饮就算，但未上到去见到呢间嘢，系楼梯格离，又好有格调咁就坐低饮完先上路啦。明明女友系想食件cake / 或者一杯雪糕嘅，但佢啲雪糕都唔平，同谂起一阵去拜年又食，咁就stick with the plan，饮杯咖啡算啦。叫咗杯cappucinno ，用得meji 奶，milk foam smooth 就走唔甩。佢啲咖啡唔系太浓，我女友就好喜爱，但小弟就一般啦，我都系钟意重口味少少。冇咩酸味的咖啡，整体份量唔大即使我哋已经order large。总结，系又一城行到攰可以一试无妨。同佢啲雪糕好多味道，女士们可以星期六日同朋友或男朋友一齐试味~