莆田 (已結業)

今晚我们喺马鞍山附近做完嘢之后去咗新港城中心睇吓有咩好食？行到去见到有间叫「莆田」嘅餐厅系食新加坡福建菜，而且仲获得「米芝莲一星」嘅殊荣，所以我们就决定入去食晚饭！一开始店员就攞咗餐前水果同餐前小食黑木耳畀我们！喺食完啲餐前小食之后，我们就叫咗阿元香草鸡系冻食，感觉好似食紧醉鸡咁，但肉质比较「粗嚡」！水晶猪蹄冻嘅质感相当爽滑弹牙，唔会好硬实实咁！包菜饭并唔系好似个名咁用椰菜包著啲饭，而系将啲椰菜切成丝，之后加入啲炒饭度，啲炒饭炒得比较湿，唔系好干身，至于味道亦都系比较淡！莆田卤面嘅味道都算鲜味，但面质就比较腍身，所以要快啲食，如果唔系就变成面糊咁！黄金荷叶包系将个包炸到好金黄香脆，表面就沾满芳香嘅芝麻，再夹埋啲肉丝同洋葱丝一齐食，真系好正呀！糖醋皮蛋嘅外层系薄薄嘅炸粉，入面就系烟韧软滑嘅皮蛋，而且沾满酸酸甜甜嘅酱汁，相当醒胃！百秒黄花鱼系吸引我们入嚟食饭嘅主要原因，因呢个系获得米芝莲一星嘅殊荣菜色，百秒嘅意思即系唔可以煮超过百秒，肉质极之鲜甜嫩滑，而且唔会有好多骨，鱼汤亦加咗姜同葱，可以辟除咗啲腥味！传统海蛎煎即蚵仔煎咁，不过就略嫌煎得过咗火！椒盐猪手虽然炸得好香口松脆，但卖相就真系麻