簡.聚

营业中

休息中

元朗呢一头真系好多好嘢食，好多用心经营嘅小舖，今日同老公过去支持下其中一间门面几靓嘅。成日经过都畀门面𠮶啲花花吸引住成间舖嘅装修都以花为主题几吸引，呢度系主打西式嘢食， 人流都几多。我叫咗一个安格斯菠萝汉堡配薯条套餐。 安格斯牛扒超口磁 菠萝都烧得好甜啱啱好最钟意系个包系外脆内软 ，夹埋一齐好好味。 套餐系包埋一个蕃茄汤或沙律， 配一杯精致咖啡。老公就叫咗个 三文鱼忌廉意大利面。 三文鱼嘅份量比想像中多，忌廉汁唔会好杰系好食嘅忌廉汁。最后叫咗个甜品系个 蓝莓柠檬挞 食完啲heavy嘢配一个酸微微嘅甜品就啱啱好。 今次坐喺吧台周围畀花花包住嘅感觉真系几好。