影片
更多
2023-09-12
207 浏览
🎉登登登登！呢排卡肥频频出场，今日仲要系卡肥大日子，梗系出黎食餐好嘅！📌就返卡肥唔钟意去太远，熊妹知道太子开左差不多有一年的新cafe《Owens》都未试过，一于一齐黎品尝下。📌《Owens》地理位置真系超级方便，系太子地铁站D出口一出转右就系，成条街望落去，一望到个拱门门口装修咁有特色，就知系《Owens》。📌《Owens》装潢行波希米亚风味，以白色同木系简约设计，入到去已经感觉好光鲜舒服。📌三点黎到，有午餐同下午茶menu，有意粉、饭、汉堡包、牛排、全日早餐等等，价钱由$48-$128，包餐包及饮品，今时今日香港地，咁的价钱，咁靓环境，真系买少见少。📌另外，仲可以追加小食$28-$38，有洋葱圈，鸡翼，焗生蚝等等，又或者追加甜品$38-$48，有招牌法式焦糖炖蛋，自家制蛋糕，芝士蛋糕，心太软，提拉米苏等等，真系样样都好吸引！香烤鸡胸西西里意粉， $58以为下午茶餐细细碟，一上枱同平时正餐嘅份量系一样咁大碟，但价钱就平啲，咁抵食㖞！一大旧鸡胸切成五六大件，上下表面都煎香过，香烤鸡胸煮得好淋身鞋口，调味都几入味冇雪藏味，份量好多一啲都唔吝啬。西西里意粉即系蕃茄酱意粉🍝，蕃茄酱酸甜味调得
📌就返卡肥唔钟意去太远，熊妹知道太子开左差不多有一年的新cafe《Owens》都未试过，一于一齐黎品尝下。📌《Owens》地理位置真系超级方便，系太子地铁站D出口一出转右就系，成条街望落去，一望到个拱门门口装修咁有特色，就知系《Owens》。
📌《Owens》装潢行波希米亚风味，以白色同木系简约设计，入到去已经感觉好光鲜舒服。
📌三点黎到，有午餐同下午茶menu，有意粉、饭、汉堡包、牛排、全日早餐等等，价钱由$48-$128，包餐包及饮品，今时今日香港地，咁的价钱，咁靓环境，真系买少见少。📌另外，仲可以追加小食$28-$38，有洋葱圈，鸡翼，焗生蚝等等，又或者追加甜品$38-$48，有招牌法式焦糖炖蛋，自家制蛋糕，芝士蛋糕，心太软，提拉米苏等等，真系样样都好吸引！
香烤鸡胸西西里意粉
$58
9 浏览
0 赞好
0 留言
以为下午茶餐细细碟，一上枱同平时正餐嘅份量系一样咁大碟，但价钱就平啲，咁抵食㖞！
一大旧鸡胸切成五六大件，上下表面都煎香过，香烤鸡胸煮得好淋身鞋口，调味都几入味冇雪藏味，份量好多一啲都唔吝啬。
西西里意粉即系蕃茄酱意粉🍝，蕃茄酱酸甜味调得刚好，仲有粒粒蕃茄蓉，意粉煮得淋身易入口，捞埋蕃茄酱酸酸味味食，非常滋味！
美国安格斯芝士牛肉汉堡
$78
8 浏览
0 赞好
0 留言
📌熊妹其实好钟意食汉堡包，因为好钟意食汉堡扒个旧肉，而且仲可以加埋蕃茄生菜，非常清新。
汉堡包就系经典嘅汉堡包样🍔，上下两块面包，中间夹住一片芝士🧀，一块汉堡扒🐷，两片蕃茄片同一大片生菜片，真系好典型嘅汉堡包。
热熔芝士铺喺汉堡扒肉上面，再涂上少少烧烤酱，咬落去会融入喺汉堡扒，芝味浓郁，蕃茄同生菜片就可以解吓汉堡肉的油腻，呢个就系熊妹喜爱食汉堡包嘅原因。
比较惊喜嘅反而系块面包，入面涂了一层牛油再焗过，层层牛油香味渗入系面包中，面包冇比酱汁或者蕃茄等等湿润材料整淋左，咬落去仲好软熟同烟靭，烤焗过但又唔干，可以就咁食块面包都好香牛油味。
另外仲有一兜粗薯条🍟，卡肥话粗薯条好过幼薯条，因为面积大啲可以沾上更多嘅蕃茄汁，令到比例均匀啲，大大条又有咬口多啲。熊妹就粗幼都冇所谓，最紧要够淋身，熊妹真系好钟意食淋patpat嘅薯条，可以食到本身薯仔肉，咁先食似食薯仔条。
仲有少少沙律菜伴碟🥗，捞上黑醋汁，清新又健康。
水牛城鸡翼（4只）
$38
5 浏览
0 赞好
0 留言
📌卡肥净系食一个主食又点够㗎，再追加小食就唔使讲啦。
四只鸡翼大大只，非常够份量。
鸡翼🐥炸过之后再捞上浓浓的水牛城酱，水牛城酱唔算太辣，成只鸡翼都铺满酱汁非常浓郁，炸过的鸡翼，内里可以锁住鸡肉汁，水牛城鸡翼的滋味就出来了。
芝士焗生蚝
$38
5 浏览
0 赞好
0 留言
📌卡肥钟意食生蚝🦪，脆脆地食两只试吓啦！
面头铺满芝士去焗，真系要趁热食，咸香芝士更吊出蚝的海味，食得出成粒蚝肉，咁的价钱配得上咁的大小。打孖食过下口瘾好够！
抹茶红豆麻糬卷蛋
$38
11 浏览
0 赞好
0 留言
📌食完主食，终于到熊妹最期待的甜品时间啦！熊妹就系冲着呢个抹茶卷蛋而来，因为熊妹就系抹茶控。
卷蛋蛋糕层有厚度，中间的抹茶cream同蛋糕的颜色有深浅的渐变效果，然后再包住白色的麻糬，仲有少少红豆嘅点缀，所有的层次分明，侧边仲有一啲玫瑰花瓣🌷做装饰， 前面仲放一块Lotus焦糖饼干🍪，成件事又升格左，成款甜品的卖相已经好得，明显系有构思，值💯分！
抹茶蛋糕层软绵又湿润，就算放喺雪柜入边都冇令到表层抽干咗，好明显系好新鲜，即日制造。
抹茶cream抹茶味出，又唔系好甜，质感又creamy，软滑滑又唔系好实， 麻糬做得超软糯，烟烟韧韧唔好雪冻咗变硬，所有食材质感都做到恰到好处，呢个卷蛋仲要呢个跟餐价钱，性价比绝对超值！
伯爵茶麻糬提拉米苏
$58
20 浏览
0 赞好
0 留言
点算 ？由于个抹茶红豆麻糬卷蛋太好味，令到熊妹呢个甜品控意犹未尽，打开左个甜品胃，再想试埋《Owens》另一款招牌甜品-伯爵茶麻糬提拉米苏。
首先，用咗个好精致嘅透明玻璃盒装上的提拉米苏成件事好高级。🔝
哗！好香浓嘅伯爵茶味道！好creamy的伯爵茶意大利软芝士🧀！啖啖cream放入口，啖啖都系伯爵茶味道！茶味浓郁唔太甜，食吓食吓仲有用咖啡酒浸软咗嘅手指饼，咖啡同伯爵茶味道撞埋，有种独特嘅味道各有千秋，再食吓再有惊喜，有软糯嘅麻糬系底层，本身带有少少甜味，软绵绵已经好好味，再跟埋伯爵茶cream一齐食，口腔有伯爵茶的味道之余又有麻糬的咬口，一个字，
牛角窝夫配雪糕
$38
3 浏览
0 赞好
0 留言
📌卡肥想试下呢个牛角窝夫，话未见过又未试过，熊妹心念：甜品界黎讲都系算新的但其实都兴左一排喇，哈哈。
牛角窝夫🧇唔系好大一件，刚刚焗起，外层好酥脆，内里系QQ的口感，好软糯，又脆皮又烟韧，呢个就系牛角窝夫啦！跟上两球雪糕🍦系云尼拿同朱古力味，跟返牛角窝夫的size，一口热窝夫一口冰雪糕，冷热交融，卡肥好欣赏呢款新甜品㖞！
冻柠茶（左），热情果·菠萝乳酪（右）
7 浏览
0 赞好
0 留言
📌卡肥例饮系柠檬茶，冻饮唔洗加钱咁抵既😳。
卡肥话一杯正宗的柠檬茶🍹系三块柠檬🍋，笃笃笃笃，茶味带点酸甜，咁就够解渴喇。
热情果·菠萝乳酪（右），跟餐价，加$21（以原价半价）
熊妹就想饮杯乳酪特饮🥤，想酸酸地开下胃又清下肠胃。
热情果、菠萝🍍本身已经系酸甜，同乳酪下齐造成特饮，就系酸甜上加酸甜再加酸甜，所以绝对系解渴又解腻，夹！
📌真系好丰盛嘅一餐！由小食到主食到甜品样样都系大大份，卖单都系四百几蚊，抵食之余又大份，好味之余又饱肚，服务态度仲要超好，不嫌其烦不停加水加纸巾，又会同食客有交流，一间餐厅，价钱平、服务好、味道正，在香港地，寸金尺土，物价高涨的城巿，真系难能可贵！
张贴
