影片
更多
2018-05-08
648 浏览
**留意下呢间野啲其它食评, 照片风格全部一个款**之前食过两次Club One, 一次中午茶市石门, 水准ok, 地方ok; 第二次就系康怡果间晚饭, 非常一般, 地方一般, 价钱唔平.讲返今次去人婚宴呢餐, 的确系惨不忍睹, 事后我经已同好多人分享先知道原来都系极差评, 仲衰过之前皇廷集团, 如果Club One经营者睇到呢篇野, 您系有心长做嘅就唔该你改善, 咁做法唔会长久大家明咩事.果晚签完名坐低, 望下周围见到地板用饭堂地砖, 墙身清一色墙纸, 椅系饭堂铁通櫈套椅套, 成件事系一个摄影布景棚, 用灯光搭救嘅, 同啲相两回事.食物水准方面系重点, 每围十二位:第一道乳猪全体系室温, 九成肥膏第二道杂菌炒虾球, 分𩠌虾球每位两只, 分到第十二碟得一只, 有人无耐地食少啲, 呢碟𩠌味道可以, 同埋系微热嘅第三道炸蟹钳, 真系就咁放12只炸蟹钳(加细码)响个大碟度乜装饰都冇, 不过系热嘅, 接受第四道冬菇瑶柱碎瓜脯, 连玉环瑶柱都唔比, 呢味野系茶餐厅货色真系cheap到一个点, 不过微热同够十二只冬菇, 算啦好肚饿, 接受第五道海皇竹笙羹, 开始黎料, 分左八碗已见底, 然后要响果
之前食过两次Club One, 一次中午茶市石门, 水准ok, 地方ok; 第二次就系康怡果间晚饭, 非常一般, 地方一般, 价钱唔平.
讲返今次去人婚宴呢餐, 的确系惨不忍睹, 事后我经已同好多人分享先知道原来都系极差评, 仲衰过之前皇廷集团, 如果Club One经营者睇到呢篇野, 您系有心长做嘅就唔该你改善, 咁做法唔会长久大家明咩事.
果晚签完名坐低, 望下周围见到地板用饭堂地砖, 墙身清一色墙纸, 椅系饭堂铁通櫈套椅套, 成件事系一个摄影布景棚, 用灯光搭救嘅, 同啲相两回事.
食物水准方面系重点, 每围十二位:
第一道乳猪全体系室温, 九成肥膏
第二道杂菌炒虾球, 分𩠌虾球每位两只, 分到第十二碟得一只, 有人无耐地食少啲, 呢碟𩠌味道可以, 同埋系微热嘅
第三道炸蟹钳, 真系就咁放12只炸蟹钳(加细码)响个大碟度乜装饰都冇, 不过系热嘅, 接受
第四道冬菇瑶柱碎瓜脯, 连玉环瑶柱都唔比, 呢味野系茶餐厅货色真系cheap到一个点, 不过微热同够十二只冬菇, 算啦好肚饿, 接受
第五道海皇竹笙羹, 开始黎料, 分左八碗已见底, 然后要响果八碗度分返多四碗出黎, 每人个碗得六成满, 又算数啦热热地拎起个碗一啖饮左佢
第六道鲍鱼仔花胶扒生菜, 今次鲍鱼仔每人有一只, 但系啲花胶好腥, 咬左半旧唔咁呕狂灌汽水落口, 花胶好难会煮得腥, 我唔知佢用咩货, 碟𩠌微热起码生菜同鲍鱼仔系ok嘅
第七送蒸石班, 条鱼一上台各人就话咁细条鱼实唔够分, 个侍应知道条鱼细经已就住黎分, 点知分左九碟(每碟少少肉)就得返个鱼头同鱼骨, 唯有分一碟成个头摆上去, 剩两碟四围拆番平均, 呢味𩠌好唔好食我唔知因为我果碟系两块鱼鳍同埋骨, 应该系肚腩果两块鳍连骨, 我食到碟𩠌系暖嘅
第八味"脆皮吊烧鸡"? 一上台又系果个问题, 只鸡好细只, 侍应分每位两件, 分得十一碟, 算啦有人放弃唔食, 呢味𩠌好过份, 冻嘅, 闻落去益嘅, 结果冇人食, 只鸡死得好唔抵
对唔住后面果啲唔知好唔好食, 因为肚饿, 离开左返屋企开罐头
我同大家讲, 老老实实呢个所谓套餐系唔包酒水, 另加酒水套餐(席间无限供应) $700 (汽水+啤酒) $800 (汽水+啤酒+鲜橙汁) $1,080 (汽水+啤酒+鲜橙汁+红酒), 仲要系入席前只供应茶同清水, 你比啲咁嘅茶餐厅级数食物人食, 个场又唔靓劲布景feel, 计落绝对唔值得, 唔好咁阴公啦人地结婚都系想一生人一次
**留意下呢间野啲其它食评, 照片风格全部一个款**
题外话/补充资料：
**留意下呢间野啲其它食评, 照片风格全部一个款**
(以上食记乃用户个人意见 , 并不代表OpenRice之观点。)
张贴