重慶劉一手火鍋店 (已結業)

今日同喺铜锣湾行街，经过知名火锅店刘一手，谂都唔谂就入去。一行二人坐楼上雅座，几好坐。餐厅内有酱料吧，配料有好多款提供，另外有一小罐自家制嘅油任取。汤底一边拣咗重庆麻辣锅，我本身唔系好食得辣，拣咗小辣但都觉得太辣。好在另一边拣咗椰子滑鸡锅，味道清清地又带点甜味，汤底嘅鸡肉肉质嫩滑都唔错。响铃入口松脆。第一次食油炸鬼墨鱼滑，喺油炸鬼中间酿咗墨鱼滑几特别，可以当小食咁即食。牛颈脊入口好滑牛味浓。鸡肉片煮完虽然有啲嚡，但鸡味几重。芝士鱼豆腐好弹牙，咬开啲芝士流出嚟好好食。水果茶味道酸中带甜，感觉清凉又健康。