南北小廚

营业中

休息中

啲Aunt 话试下科大入面既茶楼，话好抵食㖞。价钱未睇到就睇到家阵既电子化。话说我一坐低就好似平时咁叫人地俾点心纸我，点知佢地放低左呢张纸。要用QR Code 先可以落单！如果我无呢个apps, 又或者我太老唔识用咁点算呀？讲返d 点心，好多老式点心。凤爪排骨饭唔计，竹筒既，细细份。烧卖无出面既咁好味，唔知系无味精定系佢既肉系切粒既。姜葱牛柏叶好多地方无得食。佢系白柏叶，但系姜葱都好入味。牛孖根唔系好浓味，无左旧式既味道。咸水角唔油，馅料唔算多。有烟靭既感觉。糯米卷无平时咁甜！蛋散唔油，比较薄身。蜜糖分开上，仲系有桂花味既蜜糖。好味四式糕点以为系咸点，原来系甜品，有咖啡糕、红豆糕（超正）、桂花糕、西米糕。临尾再加熏鱼，知道系冷盘但系都系觉得冻左d 啰。茶位$5 位真系超抵。今次十一点九到，佢地问我地有无订位，无就一个钟还枱。十二点几又真系好多人响度等位喇。如果泊车入去，$10 首两小时/小时，其后每小时$50。所以咁快饮茶亦有咁快饮完既好处。