黑丸嫩仙草 (已結業)

系太子食完晚饭 大家都觉得唔多够饱 又口痕就想揾宵夜食 㩒OpenRice 附近最近既甜品铺就系哩间 加上我朋友话佢系新加坡同马来西亚都试过 一于试下喇🤔🤔🤔门面几光鲜同新净 环境算系几企理 有三四张枱 但可以坐既地方得一两张櫈 所以大家都系预咗企好过坐喇😬😊 我地见人唔多就好快简好张枱 我地先睇咗餐牌💁🏻💁🏻个晚咁岩冇哂芋Q 所以佢地就用咗紫薯取代☺️而我本身唔好紫薯 所以就嗌咗款冇芋Q既甜品: 黑丸嫩爱玉 可惜冇哂爱玉就变咗仙草份量黎讲真系算系大碗抵食👍🏻有齐五款唔同既配料👅👅芋圆同地瓜圆各有四粒 大大粒 几有咬口 口感唔错 可惜就唔够有芋头同地瓜味😲变咗净系得口感 所以有少少可惜😢 旁边既爱玉就正正常常 偏甜 但可以接受😳而仙草就系做得几出色 唔会太硬又唔会话失去仙草味 几有台湾食到既味道😚😚珍珠都有几多粒 有口感之外仲带有淡淡仙草味😛 总体黎讲都叫系值得一试 但味道就未及台湾咁传统既仙草😢😢