影片
更多
2018-06-26
240 浏览
第一篇食评就决定奉献比呢间café，哈哈。虽然唔算系非常好食，但都系可以encore嘅。星期六晚大约七点半上到去，前面有两个人等紧位，都唔算好多人。不过剩番靠窗嘅一列台，类似bar台咁，望住楼下砵兰街街景，尚可接受。至于里面装修就非常靓，有啲似近年大陆嘅网红café嘅感觉。食物方面，选择唔算好多，Pizza、意粉、小食都各有几款咁，贵精不贵多。而最吸引嘅，其实系佢嘅潜艇包。一嚟比较特别，较少地方有；二嚟都真系好食嘅。当晚叫咗个炸软壳蟹牛油果包（$88），包本身应该系有焗过，所以热热地，而且有少少松脆。至于炸软壳蟹就不过不失，唔会好油。但比较失色系牛油果唔多，味道唔浓，如果可以多啲就更完美。而随包附送嘅炸薯条系粗薯条，而且亦热辣辣，份量亦唔少。意粉方面，叫咗蓝青口辣茄皇天使面（$78），青口就急冻货色，正正常常咁。意粉微辣，蕃茄味亦略嫌唔够浓郁，两者都再浓啲会更好。甜品就叫咗苹果烟熏配日本蜜瓜梳乎厘（$138），其实本身系冲住呢个而嚟，因为响ig见到有朋友嚟食，觉得好吸引。可能希望愈大，失望愈大啦，所以最后系觉得唔值嘅。虽然打开𠮶下会释放啲烟出嚟，视觉效果赢晒，但始终味道先系重点。梳乎厘
星期六晚大约七点半上到去，前面有两个人等紧位，都唔算好多人。不过剩番靠窗嘅一列台，类似bar台咁，望住楼下砵兰街街景，尚可接受。至于里面装修就非常靓，有啲似近年大陆嘅网红café嘅感觉。
食物方面，选择唔算好多，Pizza、意粉、小食都各有几款咁，贵精不贵多。而最吸引嘅，其实系佢嘅潜艇包。一嚟比较特别，较少地方有；二嚟都真系好食嘅。
炸软壳蟹牛油果包
$88
87 浏览
0 赞好
0 留言
当晚叫咗个炸软壳蟹牛油果包（$88），包本身应该系有焗过，所以热热地，而且有少少松脆。至于炸软壳蟹就不过不失，唔会好油。但比较失色系牛油果唔多，味道唔浓，如果可以多啲就更完美。而随包附送嘅炸薯条系粗薯条，而且亦热辣辣，份量亦唔少。
蓝青口辣茄皇天使面
$78
21 浏览
1 赞好
0 留言
意粉方面，叫咗蓝青口辣茄皇天使面（$78），青口就急冻货色，正正常常咁。意粉微辣，蕃茄味亦略嫌唔够浓郁，两者都再浓啲会更好。
苹果烟熏配日本蜜瓜梳乎厘
$138
25 浏览
1 赞好
0 留言
甜品就叫咗苹果烟熏配日本蜜瓜梳乎厘（$138），其实本身系冲住呢个而嚟，因为响ig见到有朋友嚟食，觉得好吸引。可能希望愈大，失望愈大啦，所以最后系觉得唔值嘅。
虽然打开𠮶下会释放啲烟出嚟，视觉效果赢晒，但始终味道先系重点。梳乎厘本身几松软，亦有蛋香，烟熏嘅香味亦好强，但系碟入面嘅生果系一。啲。都。唔。甜。讲紧嘅系蜜瓜、哈密瓜、火龙果、蓝莓同士多啤梨，全部无一样甜。所以如果大家真系想试，我建议试原味就ok。
草莓四季春
$42
21 浏览
0 赞好
0 留言
仲叫咗杯草莓四季春（$42），杯嘢饮似沙冰嘅质地（落单前店员有讲过），但系无乜茶味，而草莓呢，正如上面所讲，都系唔甜嘅。以$42嚟讲，绝对系overpriced。（其实嘢饮普遍嚟讲都偏贵，可能舖租贵啦。）
张贴
