上海婆婆336 (iSQUARE國際廣場)

营业中

休息中

早排有同事生日，话不如出去食晏，有人提议话不如去iSquare食，于是我哋行到去附近，见有间上海菜有位，就不如入去试试啦。午市套餐有两种，第一种系一碗面加个点心，另种系一𩠌一饭。我同同事分别就嗌咗「炸酱茄子拌面」+「红油抄手」同埋「四川蕃茄牛肉」套餐。同事问不如加多个小食，于是就叫多咗碟竹笋同埋肴肉。两碟小食好快上枱。我未见过咁薄嘅肴肉，而且得个咸字，都相当失望。竹笋味道都唔错，不过可惜腍咗啲，嘥咗本身竹笋嘅口感。本来嗌个拌面就系谂住贪佢快，因为lunch之后我有公事要岀去，点知我𠮶碟最后先到，仲要个面已经冻咗，个面饼结成一旧，搞到捞唔到啲汁。味道方面系唔错嘅，不过整体嘅体验就麻麻地。红油抄手就冇乜特别特价，普普通通冇乜惊喜。总括而言，以依个价钱喺附近揾其他餐厅，我相信可以揾到其他更好嘅选择。