影片
更多
2021-09-08
346 浏览
今次去到筲箕湾一间望个名以为系日本菜，点知系多国菜嘅餐厅。去到嘅时间已经晏，虽然唔使排队但依然人头涌涌，不自觉地对呢间舖头有所期望，心谂夜妈妈都咁多人应该好食啦！先讲装修同间格，睇得出舖头系有返心机去营造一个有格调嘅环境，但奈何主力做街坊街里生意，座位难免有啲迫夹。不过都摆明唔系打卡餐厅就冇所谓啦不得不赞就系个餐牌，真系要俾啲掌声设计师！佢系少数令到食客食欲大增嘅餐牌，每道菜全部都影得好igable！其实睇样真系好难拣，样样都好食咁。最后拣咗一款吸引我到黎开餐嘅笼仔糯米饭同石锅饭蒲烧鳗鱼笼仔糯米饭 $78 Cross-over有时系好，但事实证明真系唔系样样嘢夹。好食嘅糯米饭应该系软身得黎带点烟韧，味道上如果系荷叶包就最好有阵清幽嘅荷香味。可惜呢个糯米饭两样都冇，剩番嘅系一旧胶咁嘅冇味糯米饭。蒲烧鳗鱼就正正常常完全合格，呢个价钱都系但求正常。但个汁本身系浓味嘢，配合埋个糯米饭就系食紧一个浓味嘅胶，感觉有啲奇怪黑松露蟹肉石锅炒饭 $78 有咩惨得过中一次伏，就系中两次伏。一睇个卖相就知道同menu有出入，说好的蟹肉碎变成咗一块煎好嘅蟹肉（仲要个样好似薯饼），食落系有少少蟹味，但质感完全唔
先讲装修同间格，睇得出舖头系有返心机去营造一个有格调嘅环境，但奈何主力做街坊街里生意，座位难免有啲迫夹。不过都摆明唔系打卡餐厅就冇所谓啦
不得不赞就系个餐牌，真系要俾啲掌声设计师！佢系少数令到食客食欲大增嘅餐牌，每道菜全部都影得好igable！其实睇样真系好难拣，样样都好食咁。最后拣咗一款吸引我到黎开餐嘅笼仔糯米饭同石锅饭
蒲烧鳗鱼笼仔糯米饭 $78
蒲烧鳗鱼笼仔糯米饭
$78
10 浏览
0 赞好
0 留言
Cross-over有时系好，但事实证明真系唔系样样嘢夹。好食嘅糯米饭应该系软身得黎带点烟韧，味道上如果系荷叶包就最好有阵清幽嘅荷香味。可惜呢个糯米饭两样都冇，剩番嘅系一旧胶咁嘅冇味糯米饭。蒲烧鳗鱼就正正常常完全合格，呢个价钱都系但求正常。但个汁本身系浓味嘢，配合埋个糯米饭就系食紧一个浓味嘅胶，感觉有啲奇怪
黑松露蟹肉石锅炒饭 $78
黑松露蟹肉石锅炒饭
$78
7 浏览
0 赞好
0 留言
有咩惨得过中一次伏，就系中两次伏。一睇个卖相就知道同menu有出入，说好的蟹肉碎变成咗一块煎好嘅蟹肉（仲要个样好似薯饼），食落系有少少蟹味，但质感完全唔似蟹肉，似系一块蟹味嘅薯饼。其次就系黑松露，通常呢类型平价餐厅叫得黑松露嘅都预咗唔会比真正黑松露你，最多比酱你。但呢个炒饭好嘢㖞，完全食唔出有黑松露。不过其实都几好嘅，黑松露同炒饭本身都未必夹😂 反而饭系炒得几甘香，粒粒分明仲有啲咬口，就咁蛋炒饭系几好食。但最致命嘅系我叫嘅系炒饭，顾名思义即系炒埋一碟。但你而家饭还饭，蟹饼还蟹饼，咁我不如叫碟头饭啦，食乜鬼炒饭㖞
总括而言，俾得呢个价钱其实都唔应该有咁多投诉，因为真系平同都食得落口嘅，创意系有，但实力就暂时未跟得上。呢间餐厅喺marketing上系做得几好，餐牌/ 食物卖相真系有下心思。如果可以喺食饭上加多啲苦工，会更加做到性格比高嘅效果
张贴
