皇后飯店 (已結業)

是日大家姐请食晚饭, 佢推介呢度既焗猪排饭同餐饱, 所以就试一试, 初头见餐牌普遍价钱都略贵, 焗猪排饭又冇餐, 后尾落单时侍应通知加几十蚊可以转做餐, 之后再叫一个西冷牛排, 五成熟, 一罗宋一忌廉汤.~ 餐饱同汤 : 个饱真系好味, 好香. 个汤我就觉得麻麻地, 不过不失. 餐汤仲未饮晒就已经上猪排饭, 呢度扣少少分~ 焗猪排饭 : 猪排好软, 味道唔错, 个饭好绵~ 西冷牛排 (碟上) : 上枱时闻到阵阵烧烤味, 切落去时比猪排更加淋, 佢只系将表面烤熟, 入面仲系红色既, 但一d血水都冇, 连平时好容易食到有渣既脂肪佢都做到好好, 冇渣, 配埋个饭简直一流. 配菜都有水准. 呢个真系要赞好!! ~ 餐茶 : 冻柠茶就一般, 始终系港式茶餐厅先合我心水, 不过其中一个侍应过黎问我地饮咩茶时就估我地饮咩野, 感觉几好 总结黎讲有机会一定会再食p.s. 再一次多谢大食姐介绍同请我食呢一餐, thanks!!