After You Dessert Café (已結業)

呢间泰国过江龙甜品店，我一直都好期待，据闻日日都排哂大队，热辣辣天气排长龙，谂起都惊惊，所以久久都未的起心肝去品尝。今次刚巧路过，可能时间尚早，门口竟然没有人龙，就快快趣拉埋老公一齐入去帮衬，睇下系咪真系咁值得期待。其实价钱的确系少贵既，一个冰大约$150左右，Toast都要过百松蚊，不过偶一为之，可以试下既。咸蛋黄蜜糖吐司 – 吐司好香脆，面头的咸蛋黄碎，再加埋一樽仔咸蛋黄酱，真系够哂邪恶，但又欲罢不能。再加埋两球呍呢嗱雪糕同一大pat忌兼，研究过最佳食法系，一啖仔吐司加少量醎蛋黄酱，再加一啖雪糕，同时间塞入口，一次过品尝哂多重口感，好好味。 芒果糯米饭刨冰 – 系芒果糯米饭同泰式奶茶当中，二选一，最后芒果糯米饭胜出。泰式奶茶，我下次先食埋你。刨冰都几大碗，不过唔洗食得太急，因为d冰都制作得几实净，无咁容易溶。芒果糯米饭，配上芒果酱同椰奶再淋上面，真系好好食，食到中间位置，仲有芒果肉同埋糯米饭，对于唔太知情的人来说，即系讲紧我老公，都几惊喜架。