阿土伯鹽水雞 (已結業)

D2 place二期都有唔少食肆，自己就觉得普遍价钱都系偏贵，同街边茶记相比通常都贵10-20几蚊。不过当食厌咗茶餐，一餐半餐系D2 place食都无咩所谓。同事介绍呢间台湾店食盐水鸡唔错，于是我都跟大队食下。虽然呢间店主打食鸡，但我走咗去拣五款配菜嘅一人餐haha。值得一提嘅系佢采用自助式点餐同取餐形式，收银位置会有一叠点餐纸比客人自己落单，写完选择之后交比收银同等叫号码就可以。餐厅地方唔算大，好彩我地避开午餐时段帮衬，一入去就有位。-一人餐（任选5款配菜）我一共拣咗卤蛋、鱼片、贡丸、甜不辣、豆卜呢5款菜，另外惊唔够饱，加点咗拉面。调味拣咗原味同微辣，都几治味，但食完个口会残留好浓烈嘅蒜味。卤蛋偏硬，口感唔太好。其余4款菜都唔错，吸收晒调味酱嘅精华，几入味，有种中学时代食一小包冷面嘅感觉。-香芋奶绿跟餐点咗一杯中杯饮品，价钱比单点会抵少少，另外叫咗少冰。可能加咗绿茶嘅关系，沟淡咗饮品嘅甜度，但都唔太饮到绿茶香，可能系被芋头味盖过。个人而言呢杯甜度不足，不过对无咁嗜甜嘅人应该刚刚好。