Homeland (東昌街) (已結業)

好耐都无去大埔食嘢，今晚去咗一间高质嘅餐厅食西餐😬亦都因为天气好热嘅关系，我哋一入到去就叫咗四杯嘢饮，个人就觉得"闪耀"呢杯黑啤最消到暑☺️ 一啲都唔苦唔涩。一开始就上咗香烤烟肉大啡菇同埋香草牛油蒜香焗田螺，烟肉大啡菇香喷喷又多汁，而田螺有好rich嘅酱料同调味，令我哋嘅dinner有一个好开始。接住落嚟上嘅菜系澳洲黑毛安格斯西冷扒，3成熟，煎得啱啱好，而且好juicy。加埋啲薯蓉嘅衬托，简直就系绝配。跟住上嘅系牛油果烟三文鱼阔条面，牛油果同烟三文鱼嘅味道好夹，味道唔会太重，感觉健康。香煎带子菠菜意大利饭嘅带子好新鲜，一啲都唔腥。菠菜衬意大利饭比较少食，不过有惊喜，估唔到会咁夹。白松露杂菌芝士薄饼可能系我最钟意嘅一碟，佢嘅白松露味好丰富，薄饼亦都唔厚，唔会有好饱嘅感觉。