番本日式放題 (已結業)

今日同朋友去旺角揾嘢食，见到旺中附近有个商场， 3楼全层有日式放题可以食，上到去见到个场好爆好多人，于是排队入去试下。 入去坐低咗之后，佢问我哋食唔食蒸气火锅，之后放低咗个火锅炉喺度，仲畀咗张火锅落单请我哋，我哋点咗肥牛片，金菇，章鱼花，南瓜片试一试。 个火锅炉好细个，我哋整咗几个章鱼花试一试，跟住落单纸上面嘅指示，整咗张如花两分钟之后食，味道好新鲜。 我哋另外仲叫咗六只生蚝嚟食，啲生蚝都系放题任叫，但每次每人只可以叫三只，生蚝嘅味道有三款，味道都几清新，同几新鲜。 之后我哋叫咗一壶热嘅清酒，呢度无论系清酒定系梅酒都系任叫，热嘅清酒配鱼生味道好夹。 之后我哋叫咗鱼生，鱼生用冰镇住，我哋叫咗三文鱼，希灵鱼，甜虾等等。 另外仲叫咗啲寿司，有三文鱼腩火灼寿司，三文鱼寿司。 之后仲叫咗炸年糕，汤乌冬嚟试一试，味道都不错。