樓下冰室 (已結業)

黎开荃湾做facial,做完刚好是午餐时间，就去左路德围揾野食。本来食鱼鱼鱼米线，但见隔离间「楼下冰室」有我最爱的番茄汤通粉就入左去食。打开menu发觉除左番茄汤通粉仲有我另一至爱瑞士鸡脾同瑞士鸡翼，仲要佢地系一个套餐，唔驶我散叫，正！我挣扎左好多耐，究竟配鸡脾定鸡全翼好但两款都同价！ 师奶仔心态下，我选左大大只的招牌瑞士鸡脾！一黎个餐，我吓左吓！咁大份既！？碗通粉劲大碗同只鸡脾虽然系跟餐，但都系正常Size,完全无缩水！呢刻我就开始头痛我究竟食唔食得晒！先讲只鸡脾，D皮好嫩滑，唔会好似街边卖的甩皮鸡脾咁，而且肉质唔会好柴。但瑞士有些微咸左少少同有少少焦味，但味道都ok既。再讲个通粉，滑蛋不错，口感算系滑溜，只系熟左少少，如果再流身少少就perfect 。番茄浓汤底唔会太咸或太重味，算系浓得黎带点番茄本身的酸甜味，而且佢通粉用左我最爱的滑身通粉（最憎食有坑纹果只），而且煮得爽口弹牙，配上番茄汤及滑蛋就更加正！