影片
更多
2020-01-28
3102 浏览
早前同啲团友仔落咗太子西洋菜南街嘅「将军面馆」食晏，见到斜对面有家「华星冰室」，点解无啦啦会提，因为同行嘅友人喺「狮子银行」度做，晌「华星冰室」食嘢有八折，咁抵就异口同声都话梗喺要帮衬啦。话时话，点解只有呢间「华星冰室」嘅英名名称叫「Chrisly Café」，而其他嘅「华星冰室」嘅就叫「Capital Café」呢？我哋好彩嚟得早，所以，一入去就有位，但转头就好快坐满晒。不过，嚟得茶记都快上快落，所以，就算得等位都唔需要等得好耐。而餐厅环境，就如茶记传统，够逼，左右两边卡位，喺4人位就紧紧坐到4个人，肥少少就坐到突晒出嚟；中间就坐到6个人，完全前前后后背贴背。然而，装修上就带有好多本土色彩。至于有啲咩食，晌餐枱面就贴晒出嚟，都喺惯常晌茶记见到嘅乜餐物餐、本土小食、丁面、三文治……等等。咁嚟得食晏嘅，就自不然提供埋午餐啦。常餐 $47友人就简简单单拣咗茶记极具代性之一嘅常餐，包括叉烧意粉、火腿煎蛋、牛油多士及餐饮。卖相就唔好点期望啦，但份量十足，尤其啲叉烧大大片，都俾到4、5件半肥瘦，而汤底普普通通啦，都只不过喺啲清鸡汤而已；友人话啲煎蛋仲有啲蛋浆，无煎得太老，而火腿又唔似大陆嚟嘅平价
我哋好彩嚟得早，所以，一入去就有位，但转头就好快坐满晒。不过，嚟得茶记都快上快落，所以，就算得等位都唔需要等得好耐。而餐厅环境，就如茶记传统，够逼，左右两边卡位，喺4人位就紧紧坐到4个人，肥少少就坐到突晒出嚟；中间就坐到6个人，完全前前后后背贴背。然而，装修上就带有好多本土色彩。
至于有啲咩食，晌餐枱面就贴晒出嚟，都喺惯常晌茶记见到嘅乜餐物餐、本土小食、丁面、三文治……等等。咁嚟得食晏嘅，就自不然提供埋午餐啦。
常餐 $47友人就简简单单拣咗茶记极具代性之一嘅常餐，包括叉烧意粉、火腿煎蛋、牛油多士及餐饮。卖相就唔好点期望啦，但份量十足，尤其啲叉烧大大片，都俾到4、5件半肥瘦，而汤底普普通通啦，都只不过喺啲清鸡汤而已；友人话啲煎蛋仲有啲蛋浆，无煎得太老，而火腿又唔似大陆嚟嘅平价货，所以，整体嚟讲，都收货喇。
鸡扒煎蛋饭配葱油汁 $52另一位团友仔就拣午餐嘅鸡扒煎蛋饭，个样睇落几正，一大片煎蛋冚上面，淋上大量葱油汁，而鸡扒嘅份量亦唔少，唔喺话得一嚿半嚿咁欺场。味道方面，佢就话唔错，啲白饭好软熟，真正葱油捞白饭都好食；而啲鸡扒喺半煎炸，香口又唔干身，比预期中好。
老外套餐 $48小弟贪过瘾，拣个老外套餐，即喺平常晌啲咖啡餐室所见嘅全日早餐，有烟肉、炒蛋、粟米、茄汁豆、多士、薯饼（可拣鱼柳），配埋啡茶都只喺$48。虽然，卖相就唔及出面一啲卖成嚿水嘅全日早餐咁有睇头，但以咁嘅价钱，都抵食啦，烟肉唔喺得啲肥膏嘅平嘢，煎得又脆又香，炒蛋够晒滑溜，多士更喺厚多版，够诚意。不过，啲茄汁豆有热过，点鲜啲粟米粒就无呢？揾啲牛油炒炒会好唔一样，但依家就无乜味，又喺凉嘅。
热奶茶嚟茶记拣热奶茶都喺走唔甩，茶底都OK嘅，饮落茶味几醇香，不过，就算见佢个杯身，当佢喺用黑白奶，口感却唔叫得好滑。
虽然人多，但侍应又无乜点赶我哋走，招呼就无乜，不过，啲侍应又算几有礼貌，晌呢嚟讲，$40、$50食餐晏，都合理啦，再者，我哋又有8折，折后真喺好划算。
张贴
