我愛伊斯坦堡 (已搬遷) 新店位置

订位时店方问我地有冇咩唔食、想食d乜，再按budget 为我地设计菜单，呢个服务几有趣，唔洗烦。先唻系土耳其沙律，跟住有Mersin chicken，（店主的家乡菜）即系烧鸡酿饭，鸡好 juicy香口，饭由多种香料泡制，味道好夹。另一个系Dolma 彩椒酿饭，原只黄椒入面装满甜甜酸酸辣辣的饭，好好味！芝士茄子乳酪薯条，ok嘅，但冇其他菜色咁特别。最后有个雪花牛肉串烧，土耳其烧肉一向出名，佢都冇令我失望，甘香松软，一口一件  甜品系土耳其甜品set，超钟意d 银（定铜定系乜金属？）盘！好靓好精致！有土耳其软糖、土耳其开心果酥同牛油果雪糕，我最钟意开心果酥！偏甜，但系清甜的蜜糖加开心果的香口，所以唔会漏。牛油果雪糕系女自家制的，食唔食到要睇你彩数。好戏在最最最后，土耳其咖啡！店主会系你面前煮咖啡，只放糖不加奶，土耳其咖啡好细杯好浓郁，因为会连咖啡粉一齐饮，质地厚厚的同平时饮的好唔同！小店好有异国风情味道，亲切不拘小节，跟店主土耳其男风格一致。佢地仲推扩紧个手机app，下载分享即有折扣，好有小心思。