蓬萊咖哩屋

营业中

休息中

元朗一间历史悠久嘅咖哩屋，由大门开始，装修布置都充满异国风情。前菜先送上薄脆小食，配上近似乳酪嘅酱汁，同腌洋葱酱汁，可惜薄脆有少少疏气，唔够脆口。而餐汤就唔系太合口味咖哩牛配白饭咖哩非常香浓，牛肉松软得黎有咬口，而且唔会被咖喱抢晒味！而白饭就用上印度米，比平时食开嘅饭无咁有咬口，个人麻麻地呢款米，下次都系叫返烤包！烤鸡配薯仔烤包烤鸡非常惹味，鸡肉好嫩滑！而薯仔烤包夹住左一层薄薄嘅咖哩薯仔，就咁食都已经好好味！非常推介呢一道菜！冻柠茶茶底比平时饮到嘅冻柠茶香浓，但系略嫌甜左少少冻印度奶茶带有好重嘅香料味，个人接受得到值得一赞嘅系，餐厅嘅卫生做得几好，每枱都有一支大樽装水，同用上即弃纸枱布。